Debleskri gili 74:3 - O Debleskro Drom 2021 (Sinte)

³ Ab kai un dik kol barra tchiddo, hoi tiro kheer his. Halauter hi paash dino kolendar, kai hadan pen pral tute.

O Debleskro Lab 2024 (Sinte-Manouche)

³ Ab kay oun dik kol barra čiddo, hoy tiro kheer his. Halauter hi paash dino kolendar, kay hadan pen pral toute.

Debleskri gili 74:3 ပူးပေါင်းရင်းမြစ်များ

2. Rajengro liil 25:9

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Nehemia 1:3

Un jon penan mange: “Kol menshe an o them Juda, kai wan gar pandles krik anlo, djiwenn an bari bibacht un ladj. Un i massuri trul Jerusalem hi tele phagedo, un i bare wudja hi pre-chatchedo.”

Nehemia 2:13

Jaake djom rati dran o Telstuno Wudar win, un dureder glan wergel ko pani, hoi kharell Sapeskro Pani, un kotar dureder bis pash o Viechengro Fuleskro Wudar. Un me dikom mange mishto an, kai o foreskre massurja dren phagedo hi un kol wudja pre-chatchedo wan.

Nehemia 2:3

Un me penom ap o rajeste: “Baro rai, te djiwess hako tsireske! Har nai well mange gar ropaske? Ko foro, kai mire phure paskedo hi, hi paash kerdo. Un leskre bare wudja hi pre chatchedo.”

Debleskri gili 44:23

Tire menshe ham mer. Doleske wah mer o tselo tsiro mulo dino, har wams vieche, hoi wenn maredo.

Debleskri gili 44:26

An i tchik ham witsedo. Un mer nai stah gar pre.

Debleskri gili 79:1

I gili, hoi o Asaf kras. Maro Dewel, menshe dran wawar themma peran an tiro them dren; tiro kheer, hoi tuke kokres his, kran le pale-tchiddo. Un o foro Jerusalem dan le paash.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 25:10

O baro Dewel rikrell peskro wast pral kai berga. I menshen an o them Moab stakrell lo tel peskre herja khetne, jaake har phuss khetne stakedo well, hoi an i tchik tchiddo hi.

Jesaja 61:4

Kol phure forja, hoi jaake rah tele phagedo un paash dino koi tchiddo hi, tchiwenn jon pale pre. Kal forja, kai bud bersha buder kek djiwell, wenn pale newes kerdo.

Jeremia 52:13

Un job chatchras o baro Debleskro kheer tele, ninna ko kheer o baro rajestar un kol wawar khera an o foro Jerusalem; awa, hako baro kheer chatchras lo tele.

Ropaskre gilja 1:10

Un jon tchiwan pengre wasta ap lakro tselo kutch koowa. Joi hunte dikas peske jakentsa, har i wawar menshe an lakro Debleskro kheer dren djan. Un tu, baro Dewel, penal, te hunte djan jon gar kote dren.

Daniel 11:31

Un job bitchrell lurden, kai o Debleskro kheer ap i berga pale-tchiddo krenn, un krenn, te wenn o Debleske buder gar hako diwes vieche anlo. Un jon tchiwenn kote koi djungeli tchilatchi figura pre.

Daniel 9:17

Kanna, maro Dewel, shun miro mangepen! Shun har me, tiro budepaskro, ap tute rowau. Dik pale latches ap tiro kheer, hoi khetne dino koi tchiddo hi. Kre kowa, te djinell hakeno, tu hal o tchatcho Dewel!

Daniel 9:27

Un job krell pes budentsa khetne efta bershenge. Pal triin-te-paash bersha krell lo, te well o Debleske buder kek viecho anlo, witar kek chapen. Un i djungeli tchilatchi figura well pre-tchiddo an o Debleskro kheer un atchell koi, bis te well i phagi pral koleste, kai tchiwas les koi, – i phagi, hoi o Dewel leske glan dikas.

Micha 1:3

Dikenn, o baro Dewel djal win dran peskro kheer, un well tele un djal pral i berge ap kai phub.

Micha 3:12

Doleske well o Debleskro foro trujel witsedo har i hachetikri phub. Un an o foro Jerusalem atchell kek bar ap o wawar. Ap i berga, kai o Debleskro kheer tardo hi, wenn diwje burra baro. Kowa lauter well jaake dran tumari doosh.

Markus 11:17

Un job penas lenge, hoi an o Debleskro lab tchinlo hi, un penas: O Dewel penella: Miro kheer te well i kheer, kai i tsele menshe ap i phub nai wenna, te sharenn le man, un te mangenn le man an. Tumer kran lestar i kheer, kai i menshe chochenna un randenna.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Josua 10:24

Un har le kol rajen pash o Josua anan, mukas job i tsele Israeleskre murshen khetne gole te dell, un penas ap i pralstunende pral i lurdende: “Awenn kate un tchiwenn tumare pire ap lengre meen!” Un jon wan un kran kowa.

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.