Debleskri gili 74:23 - O Debleskro Drom 2021 (Sinte)

²³ Ma biste gar koi bari gole kolendar, kai hadan pen pral tute! Shun, har diwjo jon hi! Lengri gole well bareder un bareder.

O Debleskro Lab 2024 (Sinte-Manouche)

²³ Ma biste gar koy bari gole kolendar, kay hadan pen pral toute! Shoun, har divyo yon hi! Lengri gole vell bareder oun bareder.

Debleskri gili 74:23 ပူးပေါင်းရင်းမြစ်များ

Debleskri gili 13:1

I gili o rajeske pral i gipangre. O David kras kai gili.

Debleskri gili 65:7

Tiri sorjah tchiwal tu i berge soreles ap i phub, un tchiwal tiri bari soor trul tute har i ripen.

Debleskri gili 74:4

Bari gole dan le an tiro kheer, un tchiwan kol plachte pre, hoi sikrenn, te hi jon i sorleder.

Jesaja 37:29

Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pale.

Ropaskre gilja 2:16

Halauter, kai ap tute tchilatcho hi, krenn pengro mui dur pre pral tute, denn shol, un sikrenn tuke pengre danda. “Mer dam les khetne”, penenn le. “Awa, kawa hi kau diwes, kai mer kamam, te well lo! Mer lam, hoi kamam.”

Jona 1:2

“Dja sik an o baro foro, hoi kharell Ninive, un de lakri doosh win gole. Lakro tchilatchepen was glan mande.”

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”