Debleskri gili 72:6 - O Debleskro Drom 2021 (Sinte)

⁶ Muk les te well har o brishin, hoi perell ap i phub, har o pani, hoi krell o them sapeno.

O Debleskro Lab 2024 (Sinte-Manouche)

⁶ Mouk les te vell har o brishin, hoy perell ap i phoub, har o pani, hoy krell o them sapeno.

Debleskri gili 72:6 ပူးပေါင်းရင်းမြစ်များ

2. Samuel 23:4

kowa hi har o kham, kai djal pre taissarlakro, ap i diwes, kai kek wolke hi. Kowa hi har ko senlepen, hoi well pal o brishino dran i phub win.”

Debleskri gili 65:10

Tu djineh, hoi o themes hunte well, un deh jak, te well les doha pani, un kreh les braweles. Miro Dewel, tut hi hako tsiro doha pani. Tu mukeh bud djob bares te well i menshenge.

Gosewe laba 16:15

Te dikell o baro rai latches ap jekeste, nai djiwell kowa pre. Un leskro kamlepen hi har i brishin, hoi mukell o djob bares te well.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Jesaja 5:6

Un me mukau ko them tchiddo, har lo hi. I ruka wenn gar pale tchinlo, un i phub gar trujel witsedo. Palle wenna subjengre burra un subjengro senlepen bares koi pre. Un me penau o brishineske, te perell lo gar koi tele.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

Micha 5:6

Un kolla kai djido atchan o Jakobeskre tchawendar, djiwenn mank wawar menshende an bud themma. Lenge hi le har o pani, hoi mukell o baro Dewel taissarlakro ap o senlepen te perell, un har o brishin, hoi o senlepen sapeno krell. Kek mensho hunte penell lenge, hoi te krenn le.

5. Mose 32:2

Kowa hoi me tumen sikrau, hi har o brishin ap o senlepen. un miro rakepen har i sapeno ducho ap o khass.