Debleskri gili 72:3 - O Debleskro Drom 2021 (Sinte)

³ Kote, kai job o baro rai hi, djiwenn i menshe i latcho djipen o Debleha, un tchatchepen well an o tselo them, ninna ap peskre tikne un bare berge.

O Debleskro Lab 2024 (Sinte-Manouche)

³ Kote, kay yob o baro ray hi, djivenn i menshe i lačo djipen o Debleha, oun čačepen vell an o tselo them, ninna ap peskre tikne oun bare berge.

Debleskri gili 72:3 ပူးပေါင်းရင်းမြစ်များ

Debleskri gili 65:12

Tu deh bud latcho koowa un kreh, te well o bersh i latcho bersh. Kote kai tu brishin dal, well jaake bud latcho koowa win, te hi budeder har doha koi.

Debleskri gili 72:16

An o them muk bud djob bares te well, te hi lo tardo bis pral ap i berge, jaake har o weesh ap i berga Libanon. An i forja mu wenn jaake bud menshe har o senlepen ap o them!

Jesaja 45:8

Tu bolepen, de tchatchepen ap i phub har brishin! Tu phub, kre tut pre, un an latchepen win! Un o tchatchepen mu well baro ap tute! Me, o baro Dewel krom kowa lauter.

Jesaja 52:7

Har shukar hi, te well kowa pral i berge, kai penell menge latcho newo koowa, un penell: Hi buder kek kurepen. I latcho tsiro was. Tumer han buder gar pandlo. Un ap mende an Zion penell lo: Tiro Dewel hi o baro rai!

Jesaja 60:17

Sonakai anau me, un gar lolo saster. Rup anau un gar saster. Lolo saster anau un gar kasht. Un saster anau un gar barra. Tire raja rikrenn tut buder gar tele. Tel lende djal tuke mishto un tut well tiro tchatchepen.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.