Debleskri gili 71:5 - O Debleskro Drom 2021 (Sinte)

⁵ Miro rai, tu baro Dewel, ap tute dikau, fun tiknes pre patsom ap tute.

O Debleskro Lab 2024 (Sinte-Manouche)

⁵ Miro ray, tou baro Devel, ap toute dikau, foun tiknes pre patsom ap toute.

Debleskri gili 71:5 ပူးပေါင်းရင်းမြစ်များ

1. Rajengro liil 18:12

Hoi hi, te djau kanna tutar, un o baro Debleskro ducho lell tut krik un anell tut ap i wawar kotar phub, hoi me gar djinau? Un me wau palle pash o Ahab un penau leske, tu hal kai, un job hatsell tut gar? Palle mukell lo man te marell. Tu djineh, me, tiro budepaskro, shunau ap o baro Debleste fun tiknes pre.

2. Familjakro liil 34:3

Har lo an o ochtato bersh baro rai his, un gomme i terno mursh his, rodas lo ko Debles, koles leskro phuro dad, o David, an-mangas. Un an o 12. (deesh-te-duito) bersh kras lo pes ap i budi, te witsrell lo dran o them Juda un dran o foro Jerusalem kol chochene deblen un figuren krik. Koi pashel his ninna i figure, hoi i debletsa Ashera sikrenn.

Debleskri gili 119:166

Baro Dewel, dikau ap tute, te tchiwess man an o tchatchepen, un krau, hoi mandar kameh.

Debleskri gili 119:81

Miro dji nashell pal tute: Ab ap miri rig! Me dikau ap tute, te rakress mantsa.

Debleskri gili 13:5

Kowa, kai kamell mange tchilatchepen, nai sharals pes un penals, te wals lo sorleder har me. Kolla, kai hadenn pen ap mande, wans bachtelo pral miro perepen.

Debleskri gili 39:7

O mensho well un djal pale har i suni. O mensho budrella bud tchitcheske un krell bud gole trul tchi. Job anell peske bud brawlepen khetne, un djinell gar, koon kowa lella.

Debleskri gili 42:11

Jon sanenn pral mande un putchenn mandar hako diwes: “Kai hi tiro Dewel? Kai atchell lo?” Lengro praassepen hi mange har i merepaskro dukepen an mire kokale.

Debleskri gili 71:17

Miro Dewel, tu hal miro sikepaskro fun tiknes pre, un ninna kanna rakrau me pral ko baro koowa, hoi tu lauter kral.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Jeremia 14:8

Ap tute dikenn i Israelitarja, te wess ap lengri rig, un leh len win dran kai bibacht. Hoske kreh tu, har te wals i wi-themari an maro them, un har jek, kai atchell jek rati un djal palle dureder?

Jeremia 17:13

Tu, baro Dewel, hal kowa, ap koleste i Israelitarja dikenn. Pral halauterende, kai mukan tut, well ladj. Un kolla, kai djan tutar krik, kolengre laba wenn bistedo har te wans le tchinlo an i tchik. Jon mukan tut, o baro Debles, kowa, kai hi har i quella, dran kolate djido pani well.

Jeremia 17:17

Kameh tu man traashnes te krell? Pash tute wau me un khatrau man ap o tchilatcho diwes.

Jeremia 17:7

O Debleskri bacht hi tchiddo ap kol mursheste, kai rikrell pes ap o baro Debleste.

Jeremia 50:7

Halauter, kai len hatsan, chan len pre. Un kolla, kai his chojedo ap lende, penan: Mer krah tchi, hoi gar tchatcho hi! Jon anan doosh ap pende, har mukan le o baro Debles, kai das len lauter, hoi len hunte well djipaske, un ap koleste lengre phure patsan.

Louka 2:40

Ko ternepen was baro un sorelo, un pherdo goswepen. Un hakeno dikas, kai o Dewel pash leste hi.

Remarja 15:13

Un o Dewel, kolestar o tselo latchepen wella, ap koleste dikah, lestar mangah, te wenn tumer tchalo i bachtjatar an o dji dran tumaro patsepen, jaake te djinenn tumer: Ko latchepen, hoi dell men o Dewel an o tsiro, hoi wella, kowa well tchatchepah. Un o Debleskro Ducho dell tumen i soor, te dikenn bud un budeder ap o Debleste.

2. Timoteo 3:15

Tu prindjreh o Debleskro lab fun tiknes pre. Un ko lab das tut o goswepen, te hatsal o drom pash o Jesus Kristeste un haiwal, tu hunte patsess ap o Jesus Kristeste, te less ko djipen, hoi gar pre-herella.

1. Samuel 16:13

Kote las o Samuel o djet un tchoras les ap o Davideskro shero, glan i jaka peskre phralendar. Un o baro Debleskro ducho was pral leste ap ko diwes un atchas ap leste. Un o Samuel djas pale an Rama.