Debleskri gili 71:22 - O Debleskro Drom 2021 (Sinte)

²² Jaake kamau me man pash tute te parkrell o bashepah ap i dorjengri bashepaskri, kai rikral tu tiro lab, miro Dewel. O bashepah ap i harfa kamau tuke gilja te giwell. Tu kokres hal o tchatcho Dewel, ko Dewel pral o Israel.

O Debleskro Lab 2024 (Sinte-Manouche)

²² Yaake kamau me man pash toute te parkrell o bashepah ap i doryengri bashepaskri, kay rikral tou tiro lab, miro Devel. O bashepah ap i harfa kamau touke gilya te givell. Tou kokres hal o čačo Devel, ko Devel pral o Israel.

Debleskri gili 71:22 ပူးပေါင်းရင်းမြစ်များ

2. Rajengro liil 19:22

Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

Debleskri gili 138:2

Glan tiro Debleskro kheer perau tele, un parkrau man pash tute, te kral tiro dji mange pre un rikral tiro lab. Awa, tu dal men budeder har menge penal. Tiro lab hi raileder har i tsele wawar.

Debleskri gili 144:9

Miro Dewel, me kamau tuke i newi gili te giwell. Ap i deesh-dorjengri bashepaskri kamau tuke te bashrell.

Debleskri gili 25:10

I tsele dromma hi latcho un tchatcho, kai o baro Dewel kolen anell, kai rikrenn pen ap leskre laba un krenn, hoi job lenge penell.

Debleskri gili 33:2

Parkrenn tumen pash o baro Debleste, un bashrenn leske ap dorjengre bashepangre! Giwenn leske gilja, un bashrenn leske ap i bashepaskri i deesh dorjentsa!

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Debleskri gili 56:4

Ap ko diwes, kai man i daar taprella, dikau me ap tute, mo Dewel, un rikrau man ap tute.

Debleskri gili 78:41

Pale te pale kaman le te dikell, hoi job haiwella. Jaake dan le leske an o dji, koleske, kai kokres o tchatcho Dewel hi, o Dewel pral o Israel.

Debleskri gili 89:1

Giwede laba, hoi o Etan dran i familja Esra pre-tchinas.

Debleskri gili 89:18

Tu kokres hal lengro railepen un lengri soor, un dran tiro latchepen nai hadah mare sherja.

Debleskri gili 98:3

Job bistras gar peskro latchepen o khereske Israel, un rikrell peskro lab, hoi das lo lende. I tseli phub dikas, har las lo len win dran o tchilatchepen.

Debleskri gili 98:4

Giwenn o baro Debleske, tumer lauter, kai ap kai phub han! Denn gole i bachtjatar, sharenn les i giljentsa!

Debleskri gili 98:5

Bashrenn leske ap i harfa! Sharenn les o bashepah ap i dorjengre bashepangre!

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 43:3

Me, o baro Dewel, hom tiro Dewel. Me, o Israeleskro Dewel lau tut win dran o merepen. Me dau lenge o them Egiptia, te ginap tut win. I themma Etiopia un Seba dau koi pashel.

Jesaja 5:16

O baro Dewel, ko rai pral o bolepen un i phub sikrell peskri soor, un krell, hoi tchatcho hi. O tchatcho Dewel sikrell, te hi lo kokres o Dewel, kai rakrell o tchatchepen win.

Jesaja 5:19

un penenn: Mu well kowa sik, hoi o baro Dewel kamell te krell, te dikas kowa! Mu well tchatcho, hoi o Israeleskro latcho Dewel peske glan las, te prindjras kowa!

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 60:9

Ap mande dikenn i menshe wergel o baro pani. Un i shiffe, hoi wenna dran Tarsis, ulerenna glan win, te anenn le tire tchawen, hoi dur krik his, khere. Un lengro sonakai un rup anenn le peha, te sharenn le tiro baro Debles. Job kokres hi o Israeleskro tchatcho Dewel, un kowa, kai kras tut railo.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Remarja 15:8

Un me penau tumenge: O Jesus Kristo was i biboldenge, te dikenn le, o Dewel rikrell ap peskro lab, hoi das job lengre phurende.