Debleskri gili 71:19 - O Debleskro Drom 2021 (Sinte)

¹⁹ Miro Dewel, tiro tchatchepen djal bis pash o bolepen. Tu, kai kreh baro koowa, koon hi jaake har tu, miro Dewel?

O Debleskro Lab 2024 (Sinte-Manouche)

¹⁹ Miro Devel, tiro čačepen djal bis pash o bolepen. Tou, kay kreh baro koova, koon hi yaake har tou, miro Devel?

Debleskri gili 71:19 ပူးပေါင်းရင်းမြစ်များ

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Debleskri gili 139:6

Tu prindjreh man jaake mishto, kowa hi mange bares un phares. Me nai haiwau kowa gar.

Debleskri gili 35:10

Lauter, hoi an mande hi, penell: Baro Dewel, koon hi jaake har tu? Tu leh o tchorweles win dran i wasta kolendar, kai sorleder hi har job. Tu leh koles, kai bibachtelo un tchorwelo hi, win dran i wasta kolendar, kai tchoran leskro koowa.

Debleskri gili 36:7

Tiro tchatchepen djal jaake pre har i bare berge. Un i tchatche laba, hoi tu win rakreh, djan dur tele har o baro pani. Baro Dewel, tu deh i menshen un i viechen kowa, hoi len hunte well.

Debleskri gili 57:10

Mank i menshende dran bud themma kamau tut te sharell, miro rai. Glan i natsjone kamau tuke te giwell.

Debleskri gili 72:18

Sharas o baro Debles, ko Debles pral o Israel. Job kokres krell baro un sorelo koowa!

Debleskri gili 86:8

Miro rai, dell kek debles har tut. Kek nai krell kowa, hoi tu kreh.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Gosewe laba 15:24

Kowa, kai haiwell, hoi mishto un gar mishto hi, koleske djal peskro drom pre an o djipen. Un job rikrell pes pale o dromestar, kai djal tele pash i mulende.

Gosewe laba 24:7

I dinelo haiwell gar gosewe laba. Kote, kai i tchatchepangre khetne wenna, nai krell lo peskro mui gar pre.

Jesaja 40:18

Koon hi har o Dewel? Hi tchomone jaake har job?

Jesaja 40:25

“Koon hi jaake har me”, putchell o tchatcho Dewel, te nai penenn tumer: “O baro Dewel hi jaake har kowa?”

Jesaja 5:16

O baro Dewel, ko rai pral o bolepen un i phub sikrell peskri soor, un krell, hoi tchatcho hi. O tchatcho Dewel sikrell, te hi lo kokres o Dewel, kai rakrell o tchatchepen win.

Jesaja 55:9

Jaake dur o bolepen pral i phub hi, jaake dur hi ninna mire dromma pral tumare dromma, un kowa hoi mange an miro shero djal, hi feteder har kowa, hoi tumenge an tumare sherja djal.

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Louka 1:49

Baro koowa kras job ap mande. Les hi i tseli soor, un leskro lab hi bareder har hako wawar lab.

5. Mose 3:24

“Baro Dewel, miro rai, tu sikral man, tiro budepaskres, tiro barepen un tiro sorelo wast. An o bolepen un ap i phub hi kek wawar dewel, kai nai krell sawo baro koowa an sawi bari soor har tu.