Debleskri gili 71:14 - O Debleskro Drom 2021 (Sinte)

¹⁴ Me dikau hako tsiro ap tute un sharau tut bud un budeder.

O Debleskro Lab 2024 (Sinte-Manouche)

¹⁴ Me dikau hako tsiro ap toute oun sharau tout boud oun boudeder.

Debleskri gili 71:14 ပူးပေါင်းရင်းမြစ်များ

Hiob 13:15

Mu marell lo man, man hi tchi te nashrell. Me djom tchatche dromma; un kowa kamau me leske an o mui te penell.

Debleskri gili 130:7

Tu, Israel, dik ap o baro Debleste! Job hi latches menge, un leskro dji hi hako tsiro pre, te lell lo men win dran o tchilatchepen.

Debleskri gili 43:5

Hoske rowell miro dji un hi jaake pharo an mande? Ap miro Debleste kamau te dikell. Me djinau, te well i tsiro, kai parkrau man pash leste, miro Debleste, te was lo ap miri rig.

Debleskri gili 71:6

Miro tselo djipen rikrom man ap tute. Jaake rah har boldo wom, rikral tu tire wasta pral mande. Tut kamau me te sharell hako diwes.

Ropaskre gilja 3:21

Jek koowa bistrau gar – ap kowa rikrau soreles:

Ropaskre gilja 3:24

Me penau mange: O baro Dewel hi halauter, hoi man hunte well; doleske dikau ap leste.

Ropaskre gilja 3:25

Latches hi o baro Dewel koleske, kai dikell ap leste, un rodell les o tselo djijestar.

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

Filiparja 1:9

Un me mangau o Deblestar, te well tumaro kamlepen bareder un bareder, te haiwenn, hoi o Dewel kamella, un te djinenn, hoi te krenna.

1. Tessalonikarja 4:10

Un tumer krenn o latchepen ap i patslende an o tselo them Macedonia. Mire phrala, mukenn gar tele, te krenn kowa budeder un feteder!

Hebrearja 10:35

Doleske penau tumenge: Ma witsrenn tumaro patsepen tumendar! Tumer djinenn, hawi bacht lell kowa, kai ap o Debleste rikrella.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

1. Johanni 3:3

Un hakeno, kai kowa patsella, rikrell peskro dji djudjo, te well kek doosh ap leste, jaake har ap o Jesus Kristeste kek doosh hi.