Debleskri gili 7:9 - O Debleskro Drom 2021 (Sinte)

⁹ Baro Dewel, tu hal o baro tchatchepaskro rai pral i menshende dran i tsele themma. De man miro tchatchepen! Tu djineh, me hom tardo an o tchatchepen un kek doosh hi ap mande.

O Debleskro Lab 2024 (Sinte-Manouche)

⁹ Baro Devel, tou hal o baro čačepaskro ray pral i menshende dran i tsele themma. De man miro čačepen! Tou djineh, me hom tardo an o čačepen oun kek doosh hi ap mande.

Debleskri gili 7:9 ပူးပေါင်းရင်းမြစ်များ

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

1. Rajengro liil 8:32

palle shun an o bolepen, un kre o tchatchepen win pral tire budepangre. Kre te well o tchilatchepen, hoi jek kras, ap leskro shero. Un ko wawares, kai an o tchatchepen his, de les leskro tchatchepen, te well diklo, kek doosh hi ap leste.

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

Debleskri gili 10:15

Phage i soor kol tchilatchendar un midjak menshendar, hoi len pral i wawarende hi! De len pengri phagi, te krenn le buder kek tchilatcho koowa!

Debleskri gili 10:18

Un tu deh o tchatchepen i tchorwelenge un kolenge, kai len kek dad buder hi, jaake te nai krell buder kek mensho i wawarenge daar ap kai phub.

Debleskri gili 11:5

Job rodell an i djia i latchendar un i tchilatchendar. Koon o tchilatchepen kamell, ap koleste hi lo peskro tselo djijeha chojedo.

Debleskri gili 139:1

I gili o rajeske pral i gipangre. Kai gili kras o David. Baro Dewel, tu dikeh an miro dji un prindjreh man mishto.

Debleskri gili 17:3

Tu djineh, hoi mange an o shero djal. Ninna an i rati dikal palla, har an miro dji wi-dikella, un hatsal tchi an mande, hoi gar mishto hi. Ninna kek tchilatcho lab was dran miro mui win.

Debleskri gili 18:21

O baro Dewel djinas, te homs an o tchatchepen tardo. Doleske kras lo mange latchepen. Kek doosh his ap mande. Doleske his lo mange latcho.

Debleskri gili 26:2

Le man an i jak, baro Dewel! Dik palla, hoi an miro dji hi, un hoi mange an o shero trujel djal!

Debleskri gili 35:23

Hade tut! Ste pre, un de man miro tchatchepen! Le miro koowa an tiro wast, mo Dewel un mo rai!

Debleskri gili 37:23

O baro Deblestar well, te djal i mursh o tchatcho drom. Pral koleste hi lo bachtelo.

Debleskri gili 40:2

Miro tselo djijeha dikom ap o baro Debleste, un job rissras peskro kand pash mande, un shunas, har ap leste gole dom.

Debleskri gili 43:1

Miro Dewel, kre te lap miro tchatchepen! Le miro koowa an tiro wast, un rake mange latches pash kol menshende, kai kamenn tchi tutar te djinell! Le man win dran o wast i chochenendar un tchilatchendar!

Debleskri gili 44:21

Bistrams mer tut, maro Debles, un mangams i wawar debles an,

Debleskri gili 58:6

Jon pandenn pengre kanda har i sap, kai kamell gar te shunell, hoi o durkepaskro ap leste rakrell, ninna te haiwell lo mishto i sapentsa te rakrell.

Debleskri gili 9:9

Job hi o tchatchepaskro rai pral i tseli phub. Un pral i tsele themma rakrell job o tchatchepen win.

Debleskri gili 96:10

Penenn i tsele menshenge: O baro Dewel hi o baro rai. Job kras i phub, te well li soreles tardo. Job hi o tchatchepaskro rai pral i tsele themma un djal pal o tchatchepen.

Debleskri gili 96:13

glan o baro Debleste. Job wella. Awa, job wella, un anell o tchatchepen ap i phub. Job rakrell o tchatchepen win pral i menshende an hake themma. Un hi lengro tchatchepaskro rai, kai djal pal o tchatchepen.

Debleskri gili 98:9

glan o baro Debleste! Job wella un rakrell o tchatchepen win pral i tseli phub. Job hi o tchatchepaskro rai pral i tsele themma, un dell hakeneste pal kowa, hoi lo kras.

Jeremia 11:20

Koi penom: Baro Dewel, tu rai pral o bolepen un i phub, djineh, hoi an o mensheskro dji un shero glan djala. Tu hal i tchatchepaskro, kai djal pal o tchatchepen. An tire wasta dau miro koowa. Muk man dikell, har tu len ko tchilatchepen pale deh, hoi jon kamenn mange te krell.

Jeremia 17:10

Me, o baro Dewel prindjrau o mensheskro dji, un dikau dur dren an kowa, hoi an leste hi, un dau hakeneste pal kowa, hoi job kras.

Jeremia 20:12

Baro Dewel, tu rai pral o bolepen un i phub, tu prindjreh lauteren, kai ap tute rikrenn. Tu dikeh, hoi an lende hi, prindjreh lengre djia. Muk man te dikell, har tu kolen i phagi deh, kai man palla lan. Me dom miro koowa an tire wasta.

Daniel 11:45

Un job tchiwell peskre kutch plachtene khera pre mashkral o baro pani un o Debleskri berga. Un kote well leske o merepen, un kek well ap leskri rig.

Bičepangre 12:23

Jaake mukas pes o Herodes i menshendar te sharell, har te wals job o Dewel. Un har job kowa kras, das les o Debleskro bolepaskro i nasslepen, te chan i kirme les pre, un job meras.

Remarja 16:25

Sharedo well o baro Dewel! Les hi i soor, te krell lo tumaro patsepen soreles. Jaake penell les o latcho lab, hoi me penau i menshenge, ko latcho lab o Jesus Kristestar. Kate well siklo o drom pash o Debleste. Kowa djinan le i rah tsiro gar.

1. Tessalonikarja 3:13

Palle wenn tumare djia sorelo un djudjo. Un o Dewel, maro dad, hatsell kek doosh ap tumende ap ko diwes, kai well o Jesus, maro rai, pale lauterentsa, kai leskre hi.

1. Petro 5:10

I tikno tsiro well pharo koowa ap tumende. An kau tsiro lenn tumer i soor, te atchenn ap o Debleskro drom. O Dewel, kolestar well o tselo latchepen, job das tumen gole, te djiwenn hako tsiro khetne o Jesus Kristeha un lenn leskro railepen. Job dell tumen ninna i soor, te atchenn soreles an o patsepen un an o djipen.

Judas 1:1

Me, o Judas, tchinau kau liil ap tumende, kolen o Dewel peske win rodas. Job hi tumaro dad un kamell tumen o djijestar. Un o Jesus Kristo dell garda ap tumende. Me hom o Jesus Kristeskro budepaskro un o Jakobeskro phraal.

Debleskro tsiro 2:23

Un kolakre tchawen dau mulo. Palle haiwenn i tsele patsle, te hom me kowa, kai halauter prindjrella, hoi i menshen an o shero un an o dji hi. Un hakeno, kai tchilatcho koowa kras, kowa lell mandar koi phagi pal kowa, hoi job kras.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.