Debleskri gili 7:17 - O Debleskro Drom 2021 (Sinte)

¹⁷ Koi bibacht, hoi kamas lo ap i wawareste te anell, was ap leskro shero pale. Ko tchilatcho koowa, hoi kamas lo i wawareske te krell, peras ap leste pale.

O Debleskro Lab 2024 (Sinte-Manouche)

¹⁷ Koy bibarht, hoy kamas lo ap i vavareste te anell, vas ap leskro shero pale. Ko čilačo koova, hoy kamas lo i vavareske te krell, peras ap leste pale.

Debleskri gili 7:17 ပူးပေါင်းရင်းမြစ်များ

2. Samuel 3:29

Lauter mu well ap o Joab un ap peskre menshende! An leskri familja mu well hako tsiro bibacht: menshe, kolendar nashell dukepaskro pani win, oder kolen i djungelo nasslepen ap pengro mass hi, oder sawe, kai bango hi, oder wenn maredo i chareha, oder jek, koles hi gar doha chapaske.”

Ester 9:25

An ko liil his ninna tardo, har i Ester pash o baro rajeste djas un har kowa an i liil penas, te well o Hamaneha ko tchilatcho koowa kerdo, hoi job kamas i biboldentsa te krell. Un jaake was o Haman un peskre tchawe ap i bare kashta pre bladedo.

Debleskri gili 111:3

Kowa, hoi o baro Dewel krella, hi railo un shukar. Un leskro tchatchepen atchella hako tsireske.

Debleskri gili 140:10

Kolla, kai trul mande hi, kamenn mange bibacht. Muk koi bibacht ap lende pale te djal!

Debleskri gili 145:7

Jon sharenn tiro baro latchepen, un giwenn pral tiro tchatchepen.

Debleskri gili 35:28

Me kamau te rakrap pral tiro tchatchepen, un sharau tut hako diwes.

Debleskri gili 51:14

Muk man te dikell, kai hal pash mande, te sal miro dji pale! De man i dji, hoi shunell ap tute!

Debleskri gili 9:2

Baro Dewel, me parkrau man pash tute o tselo djijeha, un rakrau pral ko tselo baro koowa, hoi tu kral.

Debleskri gili 92:1

I gili, te giwell ap o Debleskro diwes.

Debleskri gili 92:8

I tchilatche wenn baro har o senlepen. Kolenge, kai tchilatcho koowa krenna, djal mishto. Kowa lauter well, te wenn le krik lino hako tsireske.

Debleskri gili 98:2

Job mukell i menshenge an i tsele themma te penell, te lell lo len win dran o tchilatchepen. Glan lende mukell lo peskro tchatchepen te dikell.

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Daniel 4:25

Un lauter was jaake pral o baro rajeste, o Nebukadnezar.

Daniel 4:34

Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

Bičepangre 7:48

O baro Dewel djiwell gar an khera, kai i menshe kran pengre wastentsa. Kowa penas glan rah tsiro o Debleskro rakepaskro, o Jesaja:

Čačepangre 9:24

Jaake te well ko tchilatchepen ap leste pale, hoi job ap kol efta-deesh tchawende peskro dadestar Gideon kras. Un lengro rat te well ap lengro phraleste Abimelech, kai len temerl das, un ap kolende, kai an o foro Sichem djiwan un leskre wasta soreles kran.

Čačepangre 9:57

Un ninna o tchilatchepen, hoi i mursha dran o foro Sichem kran, mukas o Dewel ap lengre shere pale te well. Un jaake was koi bibacht pral lende, hoi o Jotam win rakras, koleskro dad o Gideon hi.