Debleskri gili 69:3 - O Debleskro Drom 2021 (Sinte)

³ Me tassau an sapeni tchik, mire herja hatsenn kek phub, kai jon nai tardo atchans. Hom an pani, hoi dur tele djal. Un sorele panja kamenn man tele te tserdell.

O Debleskro Lab 2024 (Sinte-Manouche)

³ Me tassau an sapeni čik, mire herya hatsenn kek phoub, kay yon nay tardo ačans. Hom an pani, hoy dour tele djal. Oun zorele panya kamenn man tele te tserdell.

Debleskri gili 69:3 ပူးပေါင်းရင်းမြစ်များ

Hiob 11:20

I tchilatche haiwenn gar, hoske lenge djungeles djal, un hatsenn gar win dran lengri bibacht. Lenge atchell tchi har te dikenn le ap ko diwes, kai merenn le.

Hiob 16:16

Miro tselo shero hi lolo miro bud ropah. Tel mire jaka hi kalepen.

Debleskri gili 119:123

Mire jaka nashenn pal tute: Le man win dran o tchilatchepen, jaake har tu penal an tiro tchatchepen.

Debleskri gili 119:82

Me dikau mange i jaka win pal kowa, hoi tu mange penal. Kaana weh tu, un khosseh mange i swa tele?

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Debleskri gili 22:2

Mo Dewel, mo Dewel, hoske mukal tu man? Me dau gole ap tute, un tu weh gar ap miri rig. Hoske atcheh dur mandar?

Debleskri gili 25:21

Me rikrau man ap tute miro tselo djijestar. Doleske muk man te djiwap miro djipen an djudjepen un tchatchepen.

Debleskri gili 39:7

O mensho well un djal pale har i suni. O mensho budrella bud tchitcheske un krell bud gole trul tchi. Job anell peske bud brawlepen khetne, un djinell gar, koon kowa lella.

Debleskri gili 40:3

Job hadas man win dran i grufta, dran o merepen un i tchik, un tchiwas mire pire ap i baro bar, te wap soreles tardo.

Debleskri gili 6:6

Te hom mulo, nai sharau me tut buder gar. Pash i mulende parkrenn le pen gar pash tute.

Debleskri gili 69:21

Kai ladj phagell miro dji, un krell man nasselo. Patsom, te khaitoms me jekes, te wals jek kai, kai mange mire swa tele khossals. Na-a, kote his kek, gar jek, kai kowa krals.

Debleskri gili 88:7

Tu tchiwal man an i phub, an o telstunepen, kai kali rat trul mande hi.

Jesaja 38:14

An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Ropaskre gilja 2:11

Mire jaka hi pherde swa, i duk an mande chatchella. Miro dji phagell, te dikau koi bibacht, hoi pral i menshende an miro them was. Kol terne tchawe un ternepen merenn i bokatar ap i dromma an o foro.

Johanni 19:28

Pal kowa, har o Jesus djinas, kai job halauter kras, penas lo: “Man hi trush!” Kowa penas job, te well kowa tchatcho, hoi an o Debleskro lab glan-wi penlo was.

5. Mose 28:32

Tire mursh tchawe un tire tcha wenn i menshenge an i wawar them dino, te budrenn le lenge. Un tire jaka dikenn kowa, un tiro dji nashell pal lende un phagella. Un an tire wasta atchell buder kek soor.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.