Debleskri gili 69:14 - O Debleskro Drom 2021 (Sinte)

¹⁴ Me mangau tut, baro Dewel, o tsiro hi kai, te wess mange latches. Mo Dewel, tiro latchepen hi baro! Shun man, rike tiro lab un ab ap miri rig!

O Debleskro Lab 2024 (Sinte-Manouche)

¹⁴ Me mangau tout, baro Devel, o tsiro hi kay, te vess mange lačes. Mo Devel, tiro lačepen hi baro! Shoun man, rike tiro lab oun ab ap miri rig!

Debleskri gili 69:14 ပူးပေါင်းရင်းမြစ်များ

Debleskri gili 109:21

Tu, miro baro Dewel, ab mantsa, te hadap tiro lab. Me rikrau ap tiro latchepen. Ab ap miri rig un le man win dran i tchilatche wasta!

Debleskri gili 109:3

Pengre tchilatche tchipjentsa dukrenn le man, un tchingrenn ap mande, ninna te krom me lenge tchi.

Debleskri gili 144:7

Rike mange tiro wast dran o bolepen! Tape man, un le man win dran kau baro pani, dran i wasta kol wawar menshendar!

Debleskri gili 35:19

Ma muk, te sanenn kolla pral mande, kai kamenn mange tchilatchepen, ninna te krom me len tchi. Ma muk len i jakentsa te dell pal mande!

Debleskri gili 42:2

Har i wesheskri busjat bari trush hi pal shila pani, jaake nashell miro dji pal tute miro Dewel.

Debleskri gili 42:7

Kanna, mo Dewel, rowell miro dji. Doleske dikau ap tute kote, kai hom: an o them pash o pani Jordan, pash i berge Hermon un Misar.

Debleskri gili 69:15

Le man win dran kai sapeni tchik, te tassap gar dren, Le man win dran i wasta kolendar, kai kamenn man te marell! Tserde man win dran o pani, kai hi man buder kek phub tel i herja,

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Ropaskre gilja 3:55

Baro Dewel, tiro lab dom gole, dur tele dran i phub shunal miri gole:

Jona 2:8

Har kamas miro djipen an mande tele te merell, wal tu baro Dewel mange an o shero, pash tute was miro mangepen, an tiro kheer, kai tu khere hal.

Markus 15:34

Un har trinenge his, das o Jesus bari gole: Eloi, Eloi, lema sabachtani? Kowa kharella: Miro Dewel, miro Dewel, hoske mukal man tu?

Louka 19:14

I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!

Louka 19:27

Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”