Debleskri gili 68:3 - O Debleskro Drom 2021 (Sinte)

³ Jaake har i jagakro ducho krik phurdedo well, jaake phurdell job len krik. Jaake har i momeli chatchrell tele un buder gar koi hi, jaake wenn kol tchilatche buder gar diklo glan o Debleste.

O Debleskro Lab 2024 (Sinte-Manouche)

³ Yaake har i yagakro dourho krik phourdedo vell, yaake phourdell yob len krik. Yaake har i momeli rhačrell tele oun bouder gar koy hi, yaake venn kol čilače bouder gar diklo glan o Debleste.

Debleskri gili 68:3 ပူးပေါင်းရင်းမြစ်များ

Debleskri gili 21:1

I gili o rajeske pral i gipangre. O David kras kai gili.

Debleskri gili 32:11

Tumer, kai an o tchatchepen tardo han, awenn bachtelo pral tumaro baro Debleste! Mukenn tumare djia san un bashrenn! Denn gole i bachtjatar, tumer lauter, kai shunenn o tselo djijeha ap o Debleste.

Debleskri gili 37:20

I tchilatche merenna, un kolla, kai o baro Debles gar kamenna, hi har kol shukar diwje blume, hoi sik tele merenn, un djan penge har i jagakro ducho, hoi pre djal.

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Debleskri gili 58:10

Lenge djal har i subjengre burra: I baro ducho tserdell len dran i phub win. Jaake phurdell o Dewel len krik an peskri bari choli.

Debleskri gili 64:10

Un lauteren taprell i daar, un jon penenn: “Kawa kras o Dewel”, un haiwenn, te was kowa lestar.

Debleskri gili 75:4

Ninna te trissell i phub un lauter, kai djiwell koi pre, me rikrau lat, te atchell li soreles tardo.”

Debleskri gili 97:12

Awenn bachtelo pral o baro Debleste, tumer, kai an o tchatchepen tardo han! Un parkrenn tumen pash leste, kai kokres o tchatcho Dewel hi!

5. Mose 12:12

Kote glan tumaro baro Debleste awenn bachteles, tumer un tumare tchawe un tcha un tumare budepangre, mursha un djuwja, ninna i Levitarja, kai djiwenn an tumare forja, kolen kek them mank tumende hi.

1. Tessalonikarja 5:16

Awenn bachtelo hako tsiro!

1. Petro 1:8

Koles kamenn tumer o djijestar, ninna te dikan les gar. Ap leste patsenn tumer, ninna te dikenn les kanna nai gar. Tumaro patsepen anell tumen pash o Debleste an o bolepen. Kote hi tumari bacht jaake baro, hoi i labentsa nai gar penenna.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 19:7

Te was bachtelo, te giwas un stas, un les sharas! O tsiro hi kanna kai, te romedinerell o terno bakro. Un leskri pirni kras pes shukar, te djal li leha.”