Debleskri gili 67:2 - O Debleskro Drom 2021 (Sinte)

² Dewel, kre tiro dji menge pre, un tchip tiri bacht ap mende! Dik tu latches ap mende!

O Debleskro Lab 2024 (Sinte-Manouche)

² Devel, kre tiro dji menge pre, oun čip tiri barht ap mende! Dik tou lačes ap mende!

Debleskri gili 67:2 ပူးပေါင်းရင်းမြစ်များ

Debleskri gili 117:2

Leskro latchepen un tchatchepen hi ap mende tchiddo jaake rah har i phub koi hi. Sharedo well o baro Dewel!

Debleskri gili 4:7

Bud penenna, koon mukell men latchepen dikell? Tu, baro Dewel, muk tiro latchepen har i momeli pral mende pre te djal!

Debleskri gili 41:5

Me penom: “Baro Dewel, kre tiro dji mange pre! Me anom doosh ap mande. Kre man sasto!”

Debleskri gili 43:5

Hoske rowell miro dji un hi jaake pharo an mande? Ap miro Debleste kamau te dikell. Me djinau, te well i tsiro, kai parkrau man pash leste, miro Debleste, te was lo ap miri rig.

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Daniel 9:17

Kanna, maro Dewel, shun miro mangepen! Shun har me, tiro budepaskro, ap tute rowau. Dik pale latches ap tiro kheer, hoi khetne dino koi tchiddo hi. Kre kowa, te djinell hakeno, tu hal o tchatcho Dewel!

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Louka 3:6

Palle dikell hakeno, har o Dewel i menshen dran o tchilatchepen win lella.

Bičepangre 13:10

un penas: “Tu bengeskro tchawo! Tu hal pherdo tchilatchepen. Un chochepen hi an tute. Tu kameh gar o tchatchepen. Un mukeh gar tele o Debleskre tchatche dromma banges te krell.

Bičepangre 18:25

Job djinas ninna tchomone pral o Jesuseskro drom. Un peskro tselo djijeha rakras lo lestar. Un lauter, hoi job pral leste penas, his tchatcho. Pral o Debleskro thopen djinas job kokres, har o Johanni i menshen taufras.

Bičepangre 22:4

Me lom kolen palla, kai djan ap o newo drom – me lom len jaake palla, te marom len. Murshen un djuwjen pandom, un witsrom len an o stilepen.

Bičepangre 9:31

I patsle an i themma Judea, Galilea un Samaria, kolen his kanna i latcho tsiro, kek las len buder palla. Un o Debleskro Ducho kras len soreles an o patsepen. Un jon shunan ap o Debleste un bud un budeder menshe wan patslo.

Tito 2:11

Jaake sikras o Dewel, har baro peskro latchepen i tsele menshenge hi. Job kras i drom, te lell lo len dran o tchilatchepen un o merepen win.