Debleskri gili 66:4 - O Debleskro Drom 2021 (Sinte)

⁴ Mu mangell tut i tseli phub an un sharell tut i giljentsa, awa, mu sharenn le tiro lab.

O Debleskro Lab 2024 (Sinte-Manouche)

⁴ Mou mangell tout i tseli phoub an oun sharell tout i gilyentsa, ava, mou sharenn le tiro lab.

Debleskri gili 66:4 ပူးပေါင်းရင်းမြစ်များ

Debleskri gili 117:1

Sharenn o baro Debles, tumer menshe ap i tseli phub! Sharenn les, tumer menshe an i tsele themma!

Debleskri gili 22:27

Mu chan i tchorwele un wenn tchalo! Un kolla, kai ap o baro Debleste gole denna, mu sharenn les! Lenge te well i djipen, hoi gar pre-herella!

Debleskri gili 65:5

Har bachtelo hi kowa, koles tu tuke win rodal, un mukeh les pash tute te well, te djiwell lo ap i platsa glan tiro kheer. Kowa well tchalo o latchepastar an tiro railo kheer, kai tu djiweh.

Jesaja 11:9

Ap o Debleskri berga Zion krell buder kek tchilatcho koowa, witar gar dukrell jek i wawares. Jaake har o baro pani pherdo pani hi, jaake well i tseli phub pherde menshe, kai prindjrenn o baro Debles.

Daniel 7:14

Un kowa das les i rajeskri soor un barepen un railepen, te well lo rai pral i menshende dran hako them un rakepen. Leskri rajeskri soor atchell hako tsiro un herell gar pre. Un job atchell baro rai an i tsele tsirja.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Debleskro tsiro 15:4

Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.