Debleskri gili 66:16 - O Debleskro Drom 2021 (Sinte)

¹⁶ Awenn un shunenn, tumer lauter, kai ap o Debleste patsenna, te penap tumenge, hoi job mange kras.

O Debleskro Lab 2024 (Sinte-Manouche)

¹⁶ Avenn oun shounenn, t'mer lauter, kay ap o Debleste patsenna, te penap t'menge, hoy yob mange kras.

Debleskri gili 66:16 ပူးပေါင်းရင်းမြစ်များ

Debleskri gili 34:11

I bare diwje margodje hatsenn gar hako diwes doha chapaske un hunte bokenna. Kol menshen, kai rodenn o baro Debles, hi lauter doha djipaske.

Debleskri gili 34:2

Me kamau o baro Debles te sharell hako tsireske, un kamau gar tele mukell, te parkrap man pash leste.

Debleskri gili 66:5

Awenn un dikenn, hoi o Dewel kras. I menshenge atchell o rakepen krik, te dikenn le, hoi kras lo ap lende.

Debleskri gili 71:15

Me penau i wawarenge, har tchatcho tire dromma hi. Hako diwes rakrau pral o latchepen, hoi tu lauter kral. Kowa hi budeder har nai haiwau.

Debleskri gili 71:18

Ninna kanna, kai phuro wom, un mire balla parno wan, ma dja mandar, miro Dewel! Kamau te penap i tchawengre tchawenge un lauterenge, kai pal lende wenna, har sorelo tu hal.

Debleskri gili 71:20

Tu mukal bud un bari daar ap mande te well. Un tu deh man pale newo djipen, un aneh man pale win dran o telstunepen i phubjatar.

Debleskri gili 71:24

Hako diwes penau dureder, har tu rikral pash mande. Un kolla, kai kaman miri bibacht, hunte wenn tikno un ladjenn pen.

Jeremia 51:10

[I Israelitarja penenn:] O baro Dewel sikras, kai ham an o tchatchepen tardo. Awenn, te djas ap i berga Zion, te penas, hoi maro baro Dewel latcho koowa kras.

Maleachi 3:16

Koi rakran kolla mank pende, kai djiwenn o baro Debleha. Un o baro Dewel das jak ap lengre laba un shunas, hoi le penenn, un mukas len an i liil dren te tchinell, te wenn le gar bistedo. An kau liil hi kolla dren tardo, kai djiwan leha, un hadan leskro lab.

1. Johanni 1:3

Kowa, hoi mer dikam un shunam, penah mer tumenge, te nai was mer tumentsa khetne an o tchatchepen. Un tchatchepah, mer ham khetne o Debleha, kai hi maro dad an o bolepen, un leskro tchaweha, o Jesus Kristeha.