Debleskri gili 64:3 - O Debleskro Drom 2021 (Sinte)

³ Kol tchilatche wenn khetne un rakrenn, har jon nai krenn mange tchilatchepen. Khate man, miro Dewel, glan lengri choli!

O Debleskro Lab 2024 (Sinte-Manouche)

³ Kol čilače venn khetne oun rakrenn, har yon nay krenn mange čilačepen. Khate man, miro Devel, glan lengri rholi!

Debleskri gili 64:3 ပူးပေါင်းရင်းမြစ်များ

Debleskri gili 11:2

Dikeh tu gar, te tserdenn i tchilatche o bogo un tchiwenn pengre faile koi pre, jaake te denn le khatemen karje ap kolende, kai shunenn pengro tselo djijeha ap o Debleste.

Debleskri gili 141:9

De jak ap mande, te perap gar an i dorja, hoi jon mange wi-tchiwan, awa, te perap gar kote dren, kai i tchilatche kamenn man te taprell.

Debleskri gili 57:4

Dran o bolepen mu well lo mange ap i rig, un lell man win dran o praassepen kolestar, kai man palla lell. O Dewel mu sikrell man, te hi lo mange latcho, un te rikrell lo pash mande.

Debleskri gili 58:7

De lenge i danda dren, miro Dewel! Phage lengre lewengre danda win, miro baro Dewel!

Gosewe laba 12:18

Laba, hoi sik win rakedo wenna, nai denn tchurje har i charo. O rakepen i gosewe menshendar anell sastepen.

Gosewe laba 30:14

Hi menshe koi, kolengre danda dukrenn har chare un tchinenn har tchurja. Un jon chan i tchorwelen an o them, un kolen, kai lenge kek ap i rig well.

Jesaja 54:17

Kek charo, hoi kerdo was, te dell lo tut mulo, nai dukrell tut. Un hako kopo, kai jek tchomone ap tute pre anell, nai sikreh tu, kai job chochras. Kowa krau kolenge, kai mange budrenn. Un me sikrau, te hi jon an o tchatchepen, penell o baro Dewel.

Jeremia 9:3

Hakeno mu dell pes garda peskro malestar, un ninna peskro phralestar! Jek phraal dell kol wawar phrales pral i kanda. Un i maal rakrell djungeles pral o wawareste.