Debleskri gili 60:2 - O Debleskro Drom 2021 (Sinte)

² Job kras lat an ko tsiro, har lo an o marepen his i menshentsa Aram dran Mesopotamia un Zoba. Har was lo pale, maras o Joab i Edomarja an i Londi Tala: deesh-te-dui serja murshen.

O Debleskro Lab 2024 (Sinte-Manouche)

² Yob kras lat an ko tsiro, har lo an o marepen his i menshentsa Aram dran Mesopotamia oun Soba. Har vas lo pale, maras o Yoab i Edomarya an i Londi Tala: deesh-te-douy zerya morshen.

Debleskri gili 60:2 ပူးပေါင်းရင်းမြစ်များ

2. Samuel 22:8

Koi trissas i phub, pral un tele djas o bolepen o Debleskri bari choljatar.

2. Samuel 8:1

Pal jek tsiro kuras pes o David pale i Filistarentsa un was sorleder har jon, un las o Israel dran lengre wasta win, jaake te his kol Filistarjen buder gar penepaske pral lende.

1. Familjakro liil 18:12

Un o Abishai, koleskri dai i Zeruja hi, das i Edomarja ap ko kotar phub, hoi kharell Londi Tala. Un job maras an koi tala 18.000 (deesh-te-ochta-serja) lurden.

1. Familjakro liil 18:3

O David kuras pes ninna o baro rajeha pral o them Zoba. Leskro lab his Hadad-Eser. Har o Hadad-Eser koi djas, te lell lo o them pash ko pani Eufrat dren, was o David peskre lurdentsa, un das les un leskre lurden pash o foro Hamat.

1. Familjakro liil 18:5

Koi wan kol Syrarja dran o them Damaskus pash o Hadad-Eser, ko baro rai pral o them Zoba, te wenn le leske ap i rig. Un o David maras lendar 22.000 (biish-te-dui-serja) murshen.

2. Familjakro liil 7:14

un mire menshe, kai miro labeha kharedo wenn, dikenn palle dren, hoi le kran, un mangenn man, un rodenn man un djan pengre tchilatche dromma tele, palle shunau an o bolepen lengri gole, un lau lengri doosh krik un krau lengro them sasto.

Hiob 5:18

Job dukrell, un palle tchiwell lo i pandepen ap ko dukepen. Job dell khetne, un leskre wasta krenn pale sasto.

Hiob 9:6

Job taprell ap i phub un koja trissell, Ninna i barra, hoi hidjrenn lat, trissenn.

Debleskri gili 104:32

Job dikell i phub an, un joi trissella. Job taprell i berge an, un i jagakri tampa djal pre dran lende.

Debleskri gili 114:7

O baro Dewel his koi. Doleske was kowa jaake. Hakeno ap i phub hunte trissell glan o baro Debleste, ko Debleste o Jakobestar.

Debleskri gili 18:7

An miri daar kharom ap o baro Debleste. Awa, bari gole dom ap miro Debleste. An peskro railo kheer shunas lo man, un miri gole was glan leskre kanda.

Debleskri gili 89:40

Tu phagal tiri sowel, hoi tiro budepaskres dal. Leskri rajeskri stadi witsral ap i phub, an i tchik.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jesaja 7:8

O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Jeremia 14:17

Un tu peness lenge kal laba: Me rowau ap o diwes un ap i rati, un nai mukau gar tele. Mire menshe, kolen kamau har miri tchai, hi khetne dino, un lengro dukepen well gar buder sasto.

Jeremia 30:17

Tut un tiro dukepen krau me pale sasto, penell o baro Dewel, ninna te penenn le ap tute ‘o praassedo them’ un: ‘o foro Zion, pal koleste kek putchella’.

Jeremia 4:24

Me dikom ap kol bare un tikne berge. Kolla trissan.

Jeremia 48:38

Pral ap i khera an o tselo them Moab, un ap leskre tsele dromma denn le bares gole. O baro Dewel penell: Me phagom o them Moab an kotja har i khoro, hoi kek buder kamella.

Ropaskre gilja 2:13

Ach, Jerusalem, hoi te penap tuke? Miro foro, hoi jaake kamau, har nai dap tut kamle laba? Kekeske djas jaake djungeles har tuke! Hoi nai penoms tuke, te djal tuke feteder? Tiri duk hi jaake baro har o baro pani. Koon nai krell tut sasto?

Ezekiel 34:16

Kolla, kai nashedo hi, rodau me. Un kolla, kai nashran pen, anau me pale. Un kolla, kai pen dukran, pandau i diklo trujel. Un kolla, kai nasselo hi, krau soreles. Un i thullen un sorelen lau an i jak. Me dau jak ap lende har mishto hi.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Amos 8:8

Doleske krau, te trissell i phub, un hakeno an o them trashell. O tselo them hadell pes un djal pale tele har o lengsto pani Nil an o them Egiptia.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Mateo 27:51

Un ko wudar an o Debleskro baro kheer, hoi his kerdo dran kutch pesso than, kowa djas paash an dui kotja fun pral bis tele. Un i phub was trisslemen. Un i bare barra phagan an kotja.