Debleskri gili 53:2 - O Debleskro Drom 2021 (Sinte)

² Dinele hi le, kai rakrenn penge: “Hi kek Dewel.” Tchi-molde hi le. Lauter, hoi le krenna, hi djungelo un chocheno koowa. Kek hi koi, kai krell o latchepen.

O Debleskro Lab 2024 (Sinte-Manouche)

² Dinele hi le, kay rakrenn penge: “Hi kek Devel.” Či-molde hi le. Lauter, hoy le krenna, hi djoungelo oun rhorheno koova. Kek hi koy, kay krell o lačepen.

Debleskri gili 53:2 ပူးပေါင်းရင်းမြစ်များ

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

2. Familjakro liil 19:3

Tchomone latches was pash tute ninna hatslo: Tu chatchral kol figure an o them, hoi i debletsa Ashera sikrenn, un rodal pal kowa, hoi o baro Dewel kamell.”

Hiob 28:28

Job penas ap o mensheste: Sawo mensho hi gosewo, kai rikrell pes o Debles glan i jaka pash kowa, hoi lo krell. Sawo mensho haiwas, har te djiwell lo o gosewo djipen, kai rikrell pes pale o tchilatchepastar.

Debleskri gili 10:4

O tchilatcho rikrell o nak pral un penell peske: O Dewel putchell gar palla. Lauter, hoi leske an o shero trujel djala, hi: Dell kek Dewel.

Debleskri gili 102:19

Tchinenn kal laba pre kolenge, kai pal mende wenna, jaake te sharenn ninna kolla menshe o baro Debles!

Debleskri gili 11:4

O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

Debleskri gili 111:10

Koon djiwell o baro Debleha, kowa lell goswepen. Gosewo hi hakeno, kai ap o baro Debleskre laba shunella. Te sharas les hako tsiro!

Debleskri gili 27:8

Tire laba wan mange an o shero, hoi tu penal: “Awenn pash mande!” Doleske wau pash tute.

Jesaja 55:6

Rodenn o baro Debles jaake rah job mukell pes te hatsell! Denn les an-gole jaake rah job gar dur hi!

Jeremia 16:17

Mire jaka dikenn halauter, hoi jon krenna. Jon nai khatrenn pen gar glan mande. Lengri doosh hi glan mire jaka tardo.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

5. Mose 4:6

Jaake denn jak ap kol laba, un rikrenn len! Palle dikenn i menshe an i wawar themma, har gosewe han. Te shunenn le, pal hawe laba tumer djiwenna, palle penenn le: “Hawe gosewe menshe hi kolla, kai prindjrenn pen an halauter win! Hawi bari soreli natsjona!”