Debleskri gili 52:6 - O Debleskro Drom 2021 (Sinte)

⁶ Tu kameh laba, hoi phagenn, un rakreh dui tchipjentsa.

O Debleskro Lab 2024 (Sinte-Manouche)

⁶ Tou kameh laba, hoy phagenn, oun rakreh douy čipyentsa.

Debleskri gili 52:6 ပူးပေါင်းရင်းမြစ်များ

Hiob 22:19

I latche menshe hi bachtelo, te dikenn le, har lenn i tchilatche pengri phagi, Un kolla, ap kolende kek doosh hi, sanenn pral lende:

Debleskri gili 40:3

Job hadas man win dran i grufta, dran o merepen un i tchik, un tchiwas mire pire ap i baro bar, te wap soreles tardo.

Debleskri gili 37:34

Dik ap o baro Debleste, te well lo ap tiri rig! Un atch ap leskro drom! Palle hadell lo tut un dell tut ko them. Un tu dikeh, har wenn i tchilatche maredo.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 15:4

Tutar darella hakeno, tiro labestar penenn le: Har baro un shukar hi lo! Maro rai, o baro Dewel hal tu. Kek wawar hi jaake har tu. I raja wenna dran hake themma; glan tute witsrenn le pen tele, te sharenn le tut. Lauter dikan, har pal o tchatchepen tu djal, har tu i menshende lengri phagi dal.

Jesaja 37:22

Kawa hi ko lab, hoi o baro Dewel ap leste penell: Dik, har o foro Zion pral tute sal! An leskre jaka tchi-moldo hal. Har i terni tchai o Jerusalem hi, un kamell te djinell tutar tchi.

Debleskri gili 119:120

Tutar darau jaake, te trissau. Tu deh i phagi kolen, kai shunan gar ap tute.

Debleskri gili 97:8

Tu, baro Dewel, hal i rai, kai djal pal o tchatchepen. Kowa shunenn i menshe an o foro Zion un hi bachtelo. Un kolla an o them Juda sanenn un khelenn i bachtjatar.

Debleskri gili 64:9

Lengre laba kokres krenn, te san kolla pral lende, kai dikenn len.

Maleachi 1:5

Ko tsiro wella sik, kai dikenn kowa tumare jakentsa, un palle penenn tumer: ‘O baro Dewel hi sorelo pral o them Israel un dureder win.’”

Debleskri gili 120:2

“Baro Dewel” penom, “ab un le man win dran i wasta kol chochenendar, kai dui tchipjentsa rakrenna.”

Gosewe laba 12:19

O tchatcho rakepen atchell hako tsireske. Chochene laba rikrenn gar rah.