Debleskri gili 51:6 - O Debleskro Drom 2021 (Sinte)

⁶ Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

O Debleskro Lab 2024 (Sinte-Manouche)

⁶ Ap toute kokres krom, hoy čilačo hi. Ava me krom, hoy midjak hi glan tire yaka. Doleske hi tout čačes an tiro rakepen. Tou kreh o čačepen, te deh man i phagi.

Debleskri gili 51:6 ပူးပေါင်းရင်းမြစ်များ

2. Samuel 12:13

Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Hiob 32:8

Hi tchatcho, kowa, hoi krell i menshes gosewo, hi o ducho o sorelo Deblestar, koles job an i mensheste dren tchiwas.

Hiob 38:36

Koon tchiwas o goswepen kote, kai lo khatedo hi? Un koon krell, te nai haiwell i mensho tchomone?

Debleskri gili 125:4

Ab latcho, baro Dewel, kolenge, kai latcho hi, kolenge, kai o djijestar ap tute shunenna.

Debleskri gili 15:2

Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

Debleskri gili 26:2

Le man an i jak, baro Dewel! Dik palla, hoi an miro dji hi, un hoi mange an o shero trujel djal!

Debleskri gili 32:5

Doleske penom me tuke miri doosh, un khatrom gar o tchilatchepen, hoi me krom. Me penom mange: “Me kamau o baro Debleske ko tchilatchepen te penell, hoi krom.” Un tu lal miri doosh mandar krik.

Debleskri gili 41:5

Me penom: “Baro Dewel, kre tiro dji mange pre! Me anom doosh ap mande. Kre man sasto!”

Debleskri gili 5:9

Baro Dewel, sike man o drom, hoi tchatcho hi glan tute! Kre mange o drom, hoi te djap! Muk kolen te dikell, kai mange tchilatchepen kamenna, kai hal tu ap miri rig!

Gosewe laba 2:21

Kolla, kai an o tchatchepen tardo hi, un o Debleskro drom djan, djiwenn an kau them un atchenn koi dren.

Gosewe laba 2:6

O baro Dewel hi kowa, kai dell goswepen. Lestar well, te djinell un haiwell i mensho bud koowa.

Jeremia 12:1

Baro Dewel, kamoms gar te penap, kai tu doosh ap tute anal. Djinau, tu hal an tiro tchatchepen. Ninna te hi jaake, kamau te putchap tutar, har nai haiwap tiro tchatchepen. Hoske djal kolenge mishto, kai djiwenn i tchilatcho djipen? Hoske hi kolen, kai tutar krik djan, halauter, hoi len hunte well?

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Jeremia 32:40

Un me krau lentsa win, te mukap gar tele, te krap lenge latchepen, un te dap len i dji, hoi ap mande shunell, un mukell man gar. Kau lab, hoi lentsa win krau, atchell hako tsireske.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Louka 11:39

Koi penas o Jesus ap leste: “Tumer Farisarja, tumer thowenn tumare khore un tchare wrijal. Un tumaro dji hi pherdo tchorepen un tchilatchepen.

Remarja 7:22

Miro dji kamell te krell, hoi o Dewel penella.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

1. Petro 3:4

Tumaro shukapen hunte well dran tumaro dji un sikrell pes an o latchepen, kai kek tchingepen dren hi. Sawo shukapen atchella, un hi bud moldo glan o Debleskre jaka.

1. Samuel 16:7

O baro Dewel penas ap o Samuel: “Ma dik ap kowa, har job win dikella un har baro job hi! Koles rodom me gar win. O baro Dewel dikella gar ap kowa, kai i menshe pre dikenna. I menshe dikenn ap kowa, hoi glan lengre jaka hi, o baro Dewel dikella ap o dji.”