Debleskri gili 51:4 - O Debleskro Drom 2021 (Sinte)

⁴ Thob miri doosh mandar tele, un le ko tselo tchilatchepen mandar krik, te wap pale djudjo!

O Debleskro Lab 2024 (Sinte-Manouche)

⁴ Thob miri doosh mandar tele, oun le ko tselo čilačepen mandar krik, te vap pale djoudjo!

Debleskri gili 51:4 ပူးပေါင်းရင်းမြစ်များ

1. Mose 20:6

Koi penas o Dewel ap leste an i suni: “Me djinau, kai djinal kowa gar. Me rikrom tut pale, te kress kek tchilatchepen glan mire jaka, un mukom gar, te tapress lat an.

1. Mose 38:7

Un o Er his tchilatcho an o baro Debleskre jaka. Un o baro Dewel mukas les te merell.

1. Mose 39:9

Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

1. Mose 9:6

O Dewel kras o menshes, jaake har job hi. Doleske hunte well kowa mulo dino i menshestar, kai i menshes mulo das.

2. Rajengro liil 17:17

Un jon mukan pengre tchawe un tcha an i jag te chatchrell, un kran durkepen un drawepen. Un jaake dan le pen an sawo koowa, hoi glan o baro Debleskre jaka djungeles hi un choiran les.

2. Rajengro liil 21:6

Un job mukas peskro tchawes an i jag te djal un shunas ap tchirklengre golja un wawar sikepen, un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

Debleskri gili 50:4

O Dewel well te rakrell lo o tchatchepen win pral peskre menshende. Ap o bolepen un i phub dell job gole:

Debleskri gili 50:6

O bolepen kharell: O Dewel hi o tchatchepaskro rai! Un lauter hoi job wi-rakrell, hi tchatcho.

Jesaja 43:25

Kowa hom me, kai thowau o tchilatchepen tutar tele. Me kokres hom kowa, kai nai krell les. Un bistrau koi doosh, hoi tu ap tute lal.

3. Mose 5:19

Jaake hunte krell kowa, kai kras i tchilatchepen ap o baro Debleste, te well leskri doosh pale mishto.

Louka 15:21

Koi penas o tchawo ap leste: Tata, me krom i tchilatcho koowa, kai me djom tutar un o Deblestar krik. Un me hom gar moldo, te atchap tiro tchawo.

Louka 7:29

Kolla, kai shunan les, un ninna kol bibolde, kai lenn lowe i Remarjenge dren, dan o Debles tchatches, un mukan pen o Johannestar te taufrell.

Bičepangre 17:31

O Dewel djinell ko diwes, kai rakrell lo o tchatchepen win pral i tsele menshende, un job djal pal o tchatchepen. O Dewel rodas i murshes win, te well job tchatchepaskro rai. Koles kras job i mulendar djido. Jaake sikras o Dewel hakeneste, kai job kau murshes win rodas.”

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

Remarja 3:4

Na-a, kowa kras lo gar. O Dewel hi tchatcho. Hako mensho hi i chocheno. An i Debleskri gili hi tchinlo: Tu, mo Dewel, lauter, hoi rakreh, hi tchatcho. Kek nai well un penella, kai tire laba gar tchatcho hi.

Jakobo 2:11

O Dewel penella: Romeha, ma choche tiri romjat i wawar djuwjah! Romnija, ma choche tiro romes i wawar mursheha! Un job penell ninna: Ma mare kekes! Tu te chocheh gar tiri romjat, un tu mareh jekes, palle mukal tu o Debleskro drom.

Jakobo 2:9

Tumer te dikenn ap jekeste, koon job hi un har brawelo job hi, palle lenn tumer doosh ap tumende. Un o Debleskro lab penell tumenge, kai mukan tumer o Debleskro drom.

Debleskro tsiro 16:5

Un me shunom, har penas ko bolepaskro, koles i soor pral i panja hi: “Tu, o baro Dewel, djiweh kanna, har djiwal an o phuro tsiro. O tchatchepaskro Dewel hal tu. Kowa, hoi tu rakreh, hi mishto un tchatcho.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.