Debleskri gili 51:3 - O Debleskro Drom 2021 (Sinte)

³ Miro Dewel, tu hal jaake latcho, un tiro kamlepen hi baro! Dik latches ap mande! Un le ko tchilatcho koowa, hoi krom, mandar krik!

O Debleskro Lab 2024 (Sinte-Manouche)

³ Miro Devel, tou hal yaake lačo, oun tiro kamlepen hi baro! Dik lačes ap mande! Oun le ko čilačo koova, hoy krom, mandar krik!

Debleskri gili 51:3 ပူးပေါင်းရင်းမြစ်များ

Nehemia 9:2

Un hakeno, kai i Israelendar hi, mukas kolen, kai gar peskre menshendar hi. Un jon wan glan o Debleste un mangan pen tele, un penan hawi doosh jon un pengre phure ap pende anan.

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Debleskri gili 32:5

Doleske penom me tuke miri doosh, un khatrom gar o tchilatchepen, hoi me krom. Me penom mange: “Me kamau o baro Debleske ko tchilatchepen te penell, hoi krom.” Un tu lal miri doosh mandar krik.

Debleskri gili 38:18

Hi buder gar dur, te perap, un mire duka hi hako tsiro glan mire jaka.

Debleskri gili 40:12

Baro Dewel, muk tiro dji hako tsiro mange pre te well! Tu kameh man un hal mange latches. Doleske rike tiro wast pral mande hako tsiro!

Debleskri gili 41:5

Me penom: “Baro Dewel, kre tiro dji mange pre! Me anom doosh ap mande. Kre man sasto!”

Gosewe laba 28:13

Kowa, kai peskri doosh khatrell, kowa well gar dur an peskro djipen. Kowa, kai penell, hoi lo kras, un mukell peskri doosh, hatsell o Debleskro kamlepen.

Jesaja 43:25

Kowa hom me, kai thowau o tchilatchepen tutar tele. Me kokres hom kowa, kai nai krell les. Un bistrau koi doosh, hoi tu ap tute lal.

Jesaja 59:12

Baro Dewel, bud kope peram tutar tele. Mari doosh, hoi mer ap mende lam, sikrell har tchilatcho ham. Ko tchilatchepen, hoi kram, hi glan mare jaka, un mer djinah, hawo djunglepen ap tute kram:

Jeremia 3:25

Mer hunte ladjams men, un mari ladj hunte tchakrals men har i plachta! Maro tselo djipen djiwam jaake, har o baro Dewel, maro rai, gar kamas. Mer un mare phure djiwam jaake, un shunam gar ap kowa, hoi job menge penas, te kras mer.