Debleskri gili 51:12 - O Debleskro Drom 2021 (Sinte)

¹² Miro Dewel, de man i newo dji, hoi hi djudjo un tuke kokres koi!

O Debleskro Lab 2024 (Sinte-Manouche)

¹² Miro Devel, de man i nevo dji, hoy hi djoudjo oun touke kokres koy!

Debleskri gili 51:12 ပူးပေါင်းရင်းမြစ်များ

Debleskri gili 119:133

Muk te atchap soreles ap tiro drom, jaake har tu penal, te well o tchilatchepen kek rai pral mande!

Debleskri gili 13:5

Kowa, kai kamell mange tchilatchepen, nai sharals pes un penals, te wals lo sorleder har me. Kolla, kai hadenn pen ap mande, wans bachtelo pral miro perepen.

Debleskri gili 17:5

Mire pire djan ap tiro drom un peran gar tele.

Debleskri gili 19:13

Kek mendar djinell haki doosh, hoi lo ap peste anas. Le koi doosh mandar krik, hoi anom ap mande un djinau kowa gar!

Debleskri gili 21:1

I gili o rajeske pral i gipangre. O David kras kai gili.

Debleskri gili 24:4

Kawa, ap koleskre wasta kek doosh hi, un koles i djudjo dji hi. Kowa, kai djiwell gar peskro djipen ap chochepen, un dell pes gar chocheni sowel.

Debleskri gili 35:9

Miro dji mu giwell un bashrell, te las man o baro Dewel dran lengre wasta win.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 49:13

De gole i bachtjatar, tu bolepen! Ab bachtelo, tu phub! Giwenn, tumer berge! O baro Dewel khossas i swa peskre menshendar tele, un kras peskro dji kolenge pre, kai tele rikedo wan.

Jesaja 61:10

Me hom bachtelo pral o baro Debleste, un miro dji giwell miro Debleske. Job hi trul mende har i ripen, te well kek tchilatchepen ap mende, un tchiwas tchatchepen ap mende har i plaashka, jaake har hidjrell i bijabeskro i shukar stadi, un leskri pirni shukar werklia un gustria.

Jeremia 10:23

Baro Dewel, me djinau, kowa, hoi pral i mensheste wella, hi gar an ko mensheskro wast tchiddo. Kowa hi gar job, kai krell peskro djipah, hoi job kamella.

Louka 1:47

Un miro dji dell gole i bachtjatar pral mo Debleste. Job hi ap miri rig.

Remarja 14:4

Kowa hi gar tiro koowa, te peneh pral i wawareskro budepaskro: “Kowa, hoi job kras, hi gar mishto.” Leskro rai kokres nai penell: “Kowa hi mishto, kowa hi gar mishto.” Un maro rai, o Jesus Kristo, les hi i soor, te rikrell lo les pash peste, jaake te atchell lo tardo an o patsepen.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

2. Korintarja 3:17

Maro rai Jesus un o Debleskro Ducho hi jek. Te djiwell o Debleskro Ducho an jekeste, hi ko mensho buder gar pandlo, un hunte djal buder gar ap o phuro drom.

1. Petro 1:5

kai patsenn ap leste. O Dewel rikrell tumen an peskro sorelo wast, bis te well ko diwes, kai lell tumen o Jesus Kristo dran i tseli bibacht win. Palle dikenn tumer har shukar kowa hi, hoi les tumenge hi.

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.