Debleskri gili 5:4 - O Debleskro Drom 2021 (Sinte)

⁴ Baro Dewel, sik taissarlakro dau gole ap tute. Sik taissarlakro wau pash tute un penau tuke, hoi mange ap o dji hi. Un dau palle jak, hoi tu mange peneh.

O Debleskro Lab 2024 (Sinte-Manouche)

⁴ Baro Devel, sik taysarlakro dau gole ap toute. Sik taysarlakro vau pash toute oun penau touke, hoy mange ap o dji hi. Oun dau palle yak, hoy tou mange peneh.

Debleskri gili 5:4 ပူးပေါင်းရင်းမြစ်များ

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Debleskri gili 101:7

Kolla, kai rakrenn dui tchipjentsa, nai atchenna gar an miro kheer, un i chochene hunte djan mange dran i jaka.

Debleskri gili 11:5

Job rodell an i djia i latchendar un i tchilatchendar. Koon o tchilatchepen kamell, ap koleste hi lo peskro tselo djijeha chojedo.

Debleskri gili 140:13

Me djinau, te lell o baro Dewel i tchorwelengro koowa an peskro wast, un dell jak, te lenn le pengro tchatchepen.

Debleskri gili 50:21

Kowa kral tu, un me penom kek lab. Koi rikral tu man har jek, kai hi jaake har tu. Me sikrau tut koi doosh, hoi anal ap tute, un anau tuke tiro tchilatcho koowa glan tire jaka.

Debleskri gili 63:2

Dewel, tu hal miro Dewel. Tut rodau me o djijestar. Miro dji djal pal tute. Man hi trush pal tute har i truk tato them trushell pal o pani.

Debleskri gili 88:14

Me dau ap tute gole, baro Dewel. Sik taissarlakro anau miro mangepen glan tute.

Debleskri gili 92:15

Ninna te wenn le phuro, hi le senele, pherdi soor, un rukengre wenn ap lende baro.

Debleskri gili 94:20

Tu tchiwal tut gar khetne kolentsa, kai tchatchepangre mursha hunte wans, un jon djan gar pal o tchatchepen, un penenn ap o chochepen: “Kowa hi o tchatchepen.”

Habakuk 1:13

Tire jaka hi jaake djudjo, te nai dikeh kek tchilatchepen. Tu nai dikeh gar har i menshe dukedo wenna. Hoske kreh tu tchi, te dikeh kol chochene phukepangren, un peneh kek lab, te chal o tchilatcho koles pre, kai hi latcheder un tchatcheder har job?

Maleachi 2:17

Tumer choirenn o baro Debles tumaro rakepah! Tumer penenna: ‘Har choiram mer les?’ Tumaro rakepen hi: ‘An o baro Debleskre jaka hi i tchilatche latcho. Job kamell len.’ Tumer penenn ninna: ‘Kai hi o Dewel, kai men i phagi della?’

Johanni 14:23

Koi penas o Jesus ap leste: “Te kamell man jek o djijestar, kowa krell, hoi me penau. Koles kamell miro dad. Un mer wah pash leste un atchah pash leste.

Hebrearja 12:14

Krenn lauter, te well tumen kek tchingepen i wawar menshentsa! Tchiwrenn o tselo tchilatchepen dran tumende win! Kek mensho dikell o Debles, te mukell lo o tchilatchepen an peste te djiwell.

2. Petro 3:13

Mende das o Dewel peskro lab, te krell lo i newo bolepen un i newi phub. Kote della buder kek tchilatchepen. Ap kowa dikah mer.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.

Debleskro tsiro 21:27

Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.