Debleskri gili 5:12 - O Debleskro Drom 2021 (Sinte)

¹² Bachtele wenn kolla, kai khatrenn pen pash tute! Kolla denn gole i bachtjatar o tselo tsiro. Tu rikreh tiro wast pral lende. Doleske sanenn un giwenn le – kolla, kai tiro lab kamenna.

O Debleskro Lab 2024 (Sinte-Manouche)

¹² Barhtele venn kolla, kay khatrenn pen pash toute! Kolla denn gole i barhtyatar o tselo tsiro. Tou rikreh tiro vast pral lende. Doleske sanenn oun givenn le – kolla, kay tiro lab kamenna.

Debleskri gili 5:12 ပူးပေါင်းရင်းမြစ်များ

Debleskri gili 112:1

Sharedo well o baro Dewel! Bachtelo hi kowa, kai djiwell o baro Debleha, un rikrell pes o tselo djijestar ap leskre laba.

Debleskri gili 115:13

Job tchiwell peskri bacht ap hakeneste, kai djiwell leha, awa, ap i tiknen un ap i baren.

Debleskri gili 118:15

Shun koi gili, hoi giwenn o Debleskre menshe bachteles an pengre khera: “O baro Dewel hi o sorleder. Job hi o sorleder an o kurepen.

Debleskri gili 119:132

Risse tut pash mande, un ab mange latches, jaake har kolenge hal, kai kamenn tut o djijestar.

Debleskri gili 29:11

O baro Dewel dell peskre menshende soor, ninna bacht un latcho koowa.

Debleskri gili 3:3

Bud penenn mandar: “O Dewel hi gar ap leskri rig.”

Debleskri gili 3:8

Ste pre, baro Dewel, un le man win, mo Dewel! Hakenes, kai ap mande djal, deh tu ap i tcham. Awa, i tchilatchenge deh tu i danda paash.

Debleskri gili 32:10

Ap i tchilatche menshende wenn bud duka. Koon tchiwell peskro tselo patsepen ap o baro Debleste, trul koleste tchiwell job peskro latchepen.

Debleskri gili 32:7

Pash tute nai khatrau me man, glan kowa, hoi mange daar krell. Doleske sharau tut i bachtelo djijeha pral kowa, har tu man win lal dran i bibacht.

Debleskri gili 68:4

Hi wawartchandes kolentsa, kai an o tchatchepen tardo hi: Jon wenn bachtelo, stenn un sanenn i bachtjatar glan o Debleste.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.