Debleskri gili 5:1 - O Debleskro Drom 2021 (Sinte)

¹ I gili o rajeske pral i gipangre, te giwell pash o bashepen ap i tikni phurdepaskri. O David kras kai gili.

O Debleskro Lab 2024 (Sinte-Manouche)

¹ I gili o rayeske pral i gipangre, te givell pash o bashepen ap i tikni phourdepaskri. O David kras kay gili.

Debleskri gili 5:1 ပူးပေါင်းရင်းမြစ်များ

Debleskri gili 17:1

I mangepen o Davidestar. Baro Dewel, shun, hoi tutar mangau: De man miro tchatchepen! De jak, har dau ap tute gole! Shun miro mangepen, hoi well dran i mui, hoi gar chochella!

Debleskri gili 19:14

Muk man gar khetne kolentsa te djal, kai hi pre-phurde, te tserdenn le man gar ap lengri rig. Jaake well kek doosh ap mande, un me krau kek baro tchilatcho koowa.

Debleskri gili 64:1

I gili o rajeske pral i gipangre. O David kras kai gili.

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Debleskri gili 86:1

O David mangas o Debles kol labentsa: Baro Dewel, me hom tchorwelo, un mange djal gar mishto. Shun, har dau ap tute gole, un rake mantsa!

Remarja 8:26

Ninna well o Debleskro Ducho ap mari rig, kai ham gar sorelo. Te kamah mer te rakras o Debleha un djinah gar, hoi te mangas lestar, palle rakrell o Debleskro Ducho menge i labentsa, hoi kek nai rakrell win.

1. Petro 3:12

O Dewel, maro rai, dikell latches ap koleste, kai djiwell pal o tchatchepen. Un te mangell job o Debles, shunell lo les. Ap kolende, kai djiwenn an o tchilatchepen, dikell o Dewel gar latches.

1. Samuel 1:13

I Hanna rakras peske kokres an peskro dji. Ninna te djas lakro mui, har te rakrals li, nai shunas kek lakre laba. Kote patsas o Eli, te hi li mati.

1. Samuel 1:16

Rike tiri budepaskretsat gar i djuwjake, kai tchi moldo hi. Miro dji hi phagedo un phares, doleske rakrom me kate jaake rah.”