Debleskri gili 48:3 - O Debleskro Drom 2021 (Sinte)

³ Shukar hi o foro ap i berga Zion. I bacht hi i tseli phubjake. An kau foro hi o Dewel o baro rai.

O Debleskro Lab 2024 (Sinte-Manouche)

³ Shoukar hi o foro ap i berga Sion. I barht hi i tseli phoubyake. An kava foro hi o Devel o baro ray.

Debleskri gili 48:3 ပူးပေါင်းရင်းမြစ်များ

2. Samuel 5:7

O David las ko sorelo kheer Zion peske dren. Kowa hi kanna o Davideskro foro.

2. Familjakro liil 12:7

Har o baro Dewel dikas, kai khaitell len, hoi le kran, penas lo ap o Shemaja: “Len khaitell, kai mukan le man. Doleske mukau len gar te marell. An i tikno tsiro lau len win dran lengri bibacht. Me mukau miri choli gar jaake pral o foro Jerusalem te well, te krap, te dell o Shishak peskre lurdentsa i menshen an o foro mulo.

Debleskri gili 125:1

I gili te giwell ap o drom an Jerusalem. Kolla, hoi ap o baro Debleste patsenna, hi har i berga Zion, hoi soreles tardo hi, un atchell hake tsirenge.

Debleskri gili 135:21

Sharedo well o baro Dewel ap i berga Zion! An o foro Jerusalem hi lo khere. Halleluja!

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Debleskri gili 50:2

Ap i berga Zion, an o shukeder foro, sikras pes o Dewel an peskro railepen.

Kamlepaskri gili 6:4

Shukar hal tu, miri pirni, har ko rajeskro foro Tirza, un kamlo har ko foro Jerusalem. Te dikau tut, atchell mange o rakepen krik.

Ropaskre gilja 2:15

Halauter, kai djan ap o drom, un dikenn tut, denn i wasta khetne pral o shero, denn shol, un tchiwenn o shero ap i rig, un san pral kowa, hoi tutar pral atchas, Jerusalem: “Hi kawa kau foro, pral koleste penlo was: Kek foro hi shukeder har kawa! I tseli phub dikell bachteles ap leste.”