Debleskri gili 47:2 - O Debleskro Drom 2021 (Sinte)

² Tumer menshe dran i tsele themma, denn an i wasta! Sharenn o Debles un denn leske bachteles gole!

O Debleskro Lab 2024 (Sinte-Manouche)

² T'mer menshe dran i tsele themma, denn an i vasta! Sharenn o Debles oun denn leske barhteles gole!

Debleskri gili 47:2 ပူးပေါင်းရင်းမြစ်များ

Nehemia 1:5

un penom: “Ach, baro Dewel, tu hal o Dewel an o bolepen, un hal baro un jaake sorelo, te daras hunte tutar. Tu rikreh koi sowel, hoi tu mentsa kral, un dikeh latches ap kolende, kai kamenn tut o djijestar un shunenn ap tire laba.

Debleskri gili 145:6

Jon rakrenn pral tiri soor, hoi jaake baro hi, te well men daar. Un me rakrau pral tiro railepen.

Debleskri gili 47:7

Giwenn o Debleske! Giwenn un sharenn les, giwenn maro baro rajeske! Giwenn!

Debleskri gili 65:5

Har bachtelo hi kowa, koles tu tuke win rodal, un mukeh les pash tute te well, te djiwell lo ap i platsa glan tiro kheer. Kowa well tchalo o latchepastar an tiro railo kheer, kai tu djiweh.

Debleskri gili 68:35

Hadenn o Debles! Job hi o bareder. Leskro railepen hi pral o Israel, un leskri soor djal bis ap i wolke.

Debleskri gili 76:12

Denn tumen sowel, te denn tchomone o baro Debleste, kai tumaro Dewel hi. Un rikrenn tumari sowel! Anenn leske kutch koowa, tumer dran i tsele themma, kai trul leste hi. Job hi kowa, kolestar hakeno darella.

Debleskri gili 95:3

O baro Dewel hi o pralstuno Dewel, o baro rai pral i tsele debla.

Debleskri gili 99:3

Mu hadenn le lauter tiro baro un railo lab! Tu kokres hal o tchatcho Dewel.

Maleachi 1:14

‘Praassedo te well hakeno, kai pes sowel das, te dell lo man i latcho mursh viecho. Un palle chochell lo man un anell mange i nasselo vieches. Me hom o pralstuno rai, un i menshe dran wawar themma sharenn man’, penell o baro Dewel, ko rai pral o bolepen un i phub.

Mateo 28:18

Un o Jesus djas pash lende un penas ap lende: “O baro Dewel das man i soor pral o bolepen un pral i phub.

5. Mose 28:58

Un o Mose penas dureder: Doleske denn jak, te djan ap o drom tumaro baro Deblestar! Un rikrenn leskre tsele laba, hoi an kau liil dren tchinlo hi! Un dikenn ap leste pre, ap tumaro rajeste, kai jaake baro koowa krell, kai darenn i menshe lestar.

5. Mose 7:21

Doleske, ma dare lendar! Tumaro baro Dewel hi mashkral tumende, ko baro sorelo Dewel, glan koleste hakenes i daar taprell.