Debleskri gili 42:2 - O Debleskro Drom 2021 (Sinte)

² Har i wesheskri busjat bari trush hi pal shila pani, jaake nashell miro dji pal tute miro Dewel.

O Debleskro Lab 2024 (Sinte-Manouche)

² Har i vesheskri bouzyat bari troush hi pal shila pani, yaake nashell miro dji pal toute miro Devel.

Debleskri gili 42:2 ပူးပေါင်းရင်းမြစ်များ

Hiob 23:3

Kamoms te djinap, har nai hatsau les, un har nai wau kote, kai lo o tchatchepen win rakrell!

Debleskri gili 27:4

Jek koowa mangau miro baro Deblestar, kowa kamaus me lestar, te nai atchoms an leskro kheer jaake rah har me djiwau, te nai dikap o tselo tsiro leskro shukapen, un nai putchap pal leskro kamlepen an leskro kheer.

Debleskri gili 43:4

Kote kamau me glan tiri Debleskri chatchepaskri te well, glan tute, miro Debleste, kai kreh, te giwap i bachtjatar. Miro bashepah ap i dorjengri bashepaskri kamau man te parkrap pash tute, miro Dewel.

Debleskri gili 63:1

I gili o Davidestar. Job kras kai gili an o mulo tato them Juda.

Debleskri gili 63:3

An tiro kheer rodau tut, kamoms te dikap tiri soor un tiro railepen.

Debleskri gili 84:10

Dik latches ap o baro rajeste, koles menge ap mari rig tchiwal! Dik ap leste, koles win rodal, te well lo maro rai!

Debleskri gili 84:2

Tu, baro Dewel un rai pral o bolepen un i phub, har kamau me tiro kheer o djijestar!

Debleskri gili 84:4

O tchirklo hatsas peske i kheer, un o khereskro tchirklo kras peske i kheer peskre tchawenge, gar dur kotar, kai tu sharedo well. Tu baro Dewel un rai pral o bolepen un i phub, tu hal miro baro rai un miro Dewel.

Debleskri gili 84:7

Te djan le an o tato them, nashell kote pani lenge win. Un o brishin mukell lauter senelo un baro te well.

2. Mose 23:17

An kal bare diwessa, triin kope an o bersh, hunte wenn i tsele mursha glan o baro Debleste, pengro rajeste an leskro kheer.

Jesaja 26:8

Baro Dewel, mer dikah ap tute, te peness tu o tchatchepen win. Lauter an mende rodell tut, un kamell, te well tiro lab sharedo.

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Daniel 6:26

Palle mukas o baro rai Darius i liil te tchinell ap i menshende dran hako them un rakepen ap i phub: Bari bacht tumenge!

Johanni 5:26

An o dadeste hi o djipen. Kowa das lo ninna peskro tchaweste, te well an leste ko djipen.

Johanni 7:37

Ap ko pralstuno un shukeder diwes, was o Jesus pale glan kol tsele menshende, un das gole: “Kones trush hi, kowa te well pash mande un pijella!

1. Tessalonikarja 1:9

Jon hi kolla, kai penenn i wawarenge, har lan tumer men pash tumende pre, har mukan tumaro phuro drom, te djan ap o Debleskro drom, un mangenn buder gar wawar koowa an har o djido un tchatcho Debles kokres.

Josua 3:10

Ap kawa dikenn, te hi o djido Dewel mashkral tumende, un te tradell lo glan tumende i Kanaanitarja win, ninna i Hetarja, i Hiwarja, i Perisarja, i Girgasharja, i Amorarja un i Jebusarja.

Debleskro tsiro 22:1

Un job sikras man o baro lengsto pani, hoi djudjo hi har i djudji wali. Ko pani dell o djipen un well kotar, kai hi o beshepaskro o Deblestar un o terno bakrestar.