Debleskri gili 41:3 - O Debleskro Drom 2021 (Sinte)

³ O baro Dewel rikrell peskre wasta pral leste, un rikrell leskro djipen, un krell, te djal leske mishto ap i phub. Un job mukell les gar an i tchilatche wasta te perell.

O Debleskro Lab 2024 (Sinte-Manouche)

³ O baro Devel rikrell peskre vasta pral leste, oun rikrell leskro djipen, oun krell, te djal leske mishto ap i phoub. Oun yob moukell les gar an i čilače vasta te perell.

Debleskri gili 41:3 ပူးပေါင်းရင်းမြစ်များ

2. Rajengro liil 1:16

un penas ap leste: “Kowa penas o baro Dewel: Tu bitchral bitchepangren pash o Baal-Sebub, ko dewel an Ekron, te putchess lestar i lab, har te wals kek Dewel an Israel, kai nai putcheh i lab. Doleske weh tu gar buder tiro tchiben tele, kai tu pre tchiddo hal. Tchatchepah tu mereh.”

2. Rajengro liil 1:6

Jon penan ap leste: “Koi was i mursh pash mende, har mer ap o drom hams, un penas ap mende: ‘Djan pale pash o baro rajeste, kai bitchras tumen, un penenn ap leste: Kowa penell o baro Dewel: Hi kai kek Dewel an Israel? Hoske bitchreh murshen pash o Baal-Sebub, ko dewel pral Ekron, te putchess lestar? Doleske weh tu gar buder tiro tchiben tele, kai tu pre tchiddo hal. Tchatchepah tu mereh.’”

Debleskri gili 73:26

Te djal i soor peske dran mande, un miro dji buder gar sorelo hi, palle atcheh tu, miro Dewel, hako tsiro miri soor un miro brawlepen.

5. Mose 6:24

Un maro baro Dewel penas, te kras kowa lauter, hoi job mendar kamell, un te rikras les glan mare jaka pash halauter, hoi krah, te djal menge mishto an maro tselo djipen, jaake har kowa kau diwes ninna hi.