Debleskri gili 41:12 - O Debleskro Drom 2021 (Sinte)

¹² Muk len gar pral mande te sal! Palle dikau, te dikeh tu latches ap mande.

O Debleskro Lab 2024 (Sinte-Manouche)

¹² Mouk len gar pral mande te sal! Palle dikau, te dikeh tou lačes ap mande.

Debleskri gili 41:12 ပူးပေါင်းရင်းမြစ်များ

Hiob 36:7

Job dell jak ap kolende, kai hi an o tchatchepen tardo, un mukell len khetne i rajentsa ap rajengre beshepangre te beshell. Hako tsiro hi le baro.

Debleskri gili 16:11

Tu sikreh o drom, kai an o djipen anell. Pash tute hom bachtelo. Te hom kote, kai tu hal, bashrell miro dji hako tsiro.

Debleskri gili 17:15

Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Debleskri gili 25:21

Me rikrau man ap tute miro tselo djijestar. Doleske muk man te djiwap miro djipen an djudjepen un tchatchepen.

Debleskri gili 30:2

Me hadau tut, miro baro Dewel, tu tserdal man pre, har me dur tele homs, un mukal gar kolen pral mande te sal, kai mange tchilatchepen kaman.

Debleskri gili 34:15

Rikrenn tumen pale dran o tchilatchepen un krenn o latchepen! Tumari tseli sorjah krenn lauter, te well kek tchingepen mank tumende!

Debleskri gili 37:17

Kolengri soor well phagedo. O baro Dewel rikrell kolen, kai an o tchatchepen tardo hi.

Debleskri gili 63:8

Tu wal ap miri rig, Tu rikreh tiro wast pral mande, har i tchirklo rikrell peskre mussja pral peskre ternende. Kote giwau tuke i bachtjatar i gili.

Debleskri gili 94:18

Har penom, te perom, rikral man tu, baro Dewel, an tiro latchepen.

Johanni 17:24

Tata, me kamau, te wenn kolla, kai tu man dal, pash mande, kote, kai me hom, te dikenn le miro railepen un miri soor, hoi tu man dal. Tu kamal man o djijestar, har o bolepen un i phub gar koi his.