Debleskri gili 41:1 - O Debleskro Drom 2021 (Sinte)

¹ I gili o rajeske pral i gipangre. O David kras kai gili.

O Debleskro Lab 2024 (Sinte-Manouche)

¹ I gili o rayeske pral i gipangre. O David kras kay gili.

Debleskri gili 41:1 ပူးပေါင်းရင်းမြစ်များ

Debleskri gili 112:9

Job dell bud i tchorwelen. Leskro tchatchepen atchell hako tsireske. Leskri soor un leskro railepen well baro.

Debleskri gili 34:19

O baro Dewel hi pash kolende, kai lengro dji phagedo hi. Un kolenge, kai dikenn buder kek momeli an pengro djipen, hi lo ap i rig tardo.

Debleskri gili 37:19

An i tchilatcho tsiro mukell lo len gar, un an i boklo tsiro dell job len doha te chal.

Debleskri gili 37:26

O tselo tsiro krell job peskro dji pre un patsella, un ap leskre tchawende well o Debleskri bacht diklo.

Gosewe laba 14:21

Kowa kai ap o wawareste tele dikell, anell doosh ap peste. Bachtelo well kowa, koles i dji i tchorwelenge hi.

Gosewe laba 16:14

I baro rai, kai choirell pes, nai bitchrell jekes an o merepen. Un i gosewo mursh krell lauter, te bistrell job peskri choli.

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Jeremia 39:17

Tut kamau an ko tsiro win te lell dran i bibacht, penell o baro Dewel. Un tu weh kol menshenge gar an o wast dino, glan kolende tut traash hi.

Markus 14:7

I tchorwele hi hako tsiro pash tumende. Un te kamenn tumer, nai krenn tumer lenge latcho koowa. Me hom gar hako tsiro pash tumende.

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

Galatarja 2:10

Hi jek koowa, hoi jon mendar mangan, te bistras mer gar i tchorwelen mank lende. Ap kowa rikrom man i tselo djijeha.

1. Tessalonikarja 5:14

Mire phrala, kanna penah tumenge, hoi te krenn: Denn kolen trad, kai kamenn gar te budrell! Rakrenn kolentsa mishto, kai hi dareno! Krenn kolen soreles, kai hi gar sorelo an o patsepen! Denn kekes sik pre!

Hebrearja 6:10

O Dewel hi latcho un tchatcho, un bistrell gar tumaro kamlepen ap leste, har budran i patslenge, un krenn kowa gomme kanna dureder.

Jakobo 2:13

Ma bistrenn! Well jek diwes, kai rakrell o Dewel o tchatchepen win pral tumende. Te hi jekes kek dji i wawareske, koleske hi o Debles witar kek dji. Kones hi i dji i wawarenge, koles hunte well kek daar ap ko diwes, kai rakrell o Dewel o tchatchepen pral i menshende win.

Debleskro tsiro 3:10

Tumer rikran ko lab, hoi tumenge penom, un wan gar khino an o patsepen ap mande. Doleske rikrau mire wasta pral tumende an ko pharo tsiro, kai i bibacht wella pral i tsele menshende ap kai phub, te well diklo, hoi an lengre djia hi.

Ruth 2:19

Kote penas i Naomi ap late: “Kai hals tu kau diwes? Un kai lal tu kawa khetne? O Debleskri bacht well ap koleste, kai jaake latches his ap tute!” Un i Rut penas ap i Naomi, pash koneste joi his un djob khetne las, un penas lake ninna: “Ko mursh, pash koleste me kau diwes budrom, kharell Boas.”