Debleskri gili 40:9 - O Debleskro Drom 2021 (Sinte)

⁹ “Miro Dewel, me kamau te krap o djijestar, hoi tu kameh. Un tiro lab hi an miro dji.”

O Debleskro Lab 2024 (Sinte-Manouche)

⁹ “Miro Devel, me kamau te krap o djiyestar, hoy tou kameh. Oun tiro lab hi an miro dji.”

Debleskri gili 40:9 ပူးပေါင်းရင်းမြစ်များ

Debleskri gili 119:13

Me penau i wawarenge, har tu o tchatchepen wi-rakral.

Debleskri gili 139:2

Tu prindjreh miro beshepen un miro tardepen. Tu haiweh fun dural, hoi an miro shero trujel djal.

Debleskri gili 22:22

Tserde man win dran o leweskro mui! Un le man krik glan i shinga diwje gurmendar! Tu shunal man.

Debleskri gili 22:25

Job dikas gar krik o tchorwelestar un leskre duka, un khatras gar peskro mui lestar, Na-a, har job ap leste gole das, shunas lo les.

Debleskri gili 35:18

Palle kamau man pash tute te parkrell kote, kai bud menshe khetne wenna an o Debleskro kheer. Awa, glan i tsele menshende sharau tut.

Debleskri gili 37:31

O Debleskre laba hi an leskro dji. Un job perell gar o tchatcho dromestar tele.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Johanni 21:17

O Jesus putchas lestar o triinto kopo: “Simon, tu, o Johanneskro tchawo, kameh tu man o djijestar?” Koi was o Petreske ropaske pral kowa, kai job triin kope putchas: Kameh tu man o djijestar? Un job penas: “Rai, tu djineh halauter. Tu djineh, kai me tut kamau o djijestar.” Penas o Jesus: “De mire bakren te chal!

Hebrearja 2:12

Un job penell ap o Debleste: Me sikrau mire phralende, koon tu hal. Un kote, kai jon khetne wenna, sharau tut un giwau gilja tuke.

Josua 22:22

“O baro Dewel hi bareder har i tsele wawar debla! O baro Dewel hi bareder har i tsele wawar debla. Job djinell un tumer hunte djinenn kowa ninna: Mer mukam les gar un hadam men gar pral leste. Te hi kawa gar o tchatchepen, nai denn men mulo.