Debleskri gili 40:8 - O Debleskro Drom 2021 (Sinte)

⁸ Doleske penom tuke: Ake hom. Me krau, hoi mandar tchinlo hi an o liil:

O Debleskro Lab 2024 (Sinte-Manouche)

⁸ Doleske penom touke: Ake hom. Me krau, hoy mandar činlo hi an o liil:

Debleskri gili 40:8 ပူးပေါင်းရင်းမြစ်များ

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Debleskri gili 112:1

Sharedo well o baro Dewel! Bachtelo hi kowa, kai djiwell o baro Debleha, un rikrell pes o tselo djijestar ap leskre laba.

Debleskri gili 119:16

Mange hi shukar, te krap, hoi tu mandar kameh, un bistrau tire laba gar.

Debleskri gili 119:24

Tire laba, hoi sikrenn mange, har te djiwap, krenn man bachtelo. Jon hi mange har i latcho maal, ap koleste me shunau.

Debleskri gili 119:47

Kamau tire laba o djijestar, un hom bachtelo te rikrap man ap lende.

Debleskri gili 119:92

Te woms gar bachtelo te djap tiro drom, palle meroms, jaake phares his miro djipen.

Gosewe laba 3:1

Miro tchawo, ma biste kowa, hoi tuke sikrom, rike mire laba an tiro dji!

Jeremia 15:16

Baro Dewel, tu rai pral o bolepen un i phub, me hom tiro. Jaake was tiro lab miro chapen hako kopo, kai me kowa shunau. Te shunau tiro lab, giwell miro dji, un well pale sorelo.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Remarja 7:22

Miro dji kamell te krell, hoi o Dewel penella.

Remarja 8:29

Har rodas lo len win, his an leskro dji, te wenn le jaake har peskro tchawo. Kowa te well o phureder mank bud phralende un phenjende.

2. Korintarja 3:3

Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.