Debleskri gili 40:7 - O Debleskro Drom 2021 (Sinte)

⁷ Kol viechen un ko chapen, hoi i menshe tuke anenna, kameh tu gar. Tu dal man kanda, te haiwap, hoi kameh: kek viechen, hoi i menshe tuke chatchrenna, witar kek, hoi marenn le, te less tu lengri doosh lendar krik.

O Debleskro Lab 2024 (Sinte-Manouche)

⁷ Kol firhen oun ko rhapen, hoy i menshe touke anenna, kameh tou gar. Tou dal man kanda, te hayvap, hoy kameh: kek firhen, hoy i menshe touke rhačrenna, vitar kek, hoy marenn le, te less tou lengri doosh lendar krik.

Debleskri gili 40:7 ပူးပေါင်းရင်းမြစ်များ

1. Mose 3:15

Tu un koi romni, tumen hi choli jek ap o wawareste. Ninna tire tchawen hi choli ap lakre tchawende. Un lakre tchawen hi choli ap tire tchawende. Jek lakre tchawendar stakrell tiro shero khetne. Un tu dandreh les an leskri heri.”

Debleskri gili 50:9

Man hunte wals kek gurum dran tiri stanja, witar kek bakre.

Debleskri gili 51:18

Vieche, hoi anenn le tuke, kameh gar. Te wals jaake, doms len tute. Vieche, hoi tuke chatchedo wenna, krenn tiro dji gar bachtelo.

Gosewe laba 21:3

Te djah o tchatcho drom un djiweh pal o Debleskro tchatchepen, hi kowa o baro Debleske budeder moldo har te anals leske viechen.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Jesaja 50:5

O baro Dewel, miro rai, kras mange o kand pre, un me tchiwom gar leskro lab ap i rig, un me djom leske gar dran o drom.

Louka 24:27

Palle penas o Jesus lenge, hoi o Mose un i tsele Debleskre rakepangre pral leste tchinan.

Louka 24:44

Un job penas: “Har me pash tumende homs, penom me ap tumende: Halauter hunte well tchatcho, hoi o Mose tchinas, un hoi o Debleskre rakepangre pral mande penan, un hoi an o Debleskre gilja tchinlo hi.”

Johanni 5:39

Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar.

Bičepangre 10:43

Kolestar rakrenn i tsele Debleskre rakepangre an pengre lila. Jon penenn, kai lell o Dewel i doosh hakenestar krik, koon ap o Jesus Kristeste patsella.”

Debleskro tsiro 19:10

Un me witsrom man glan leste tele, te sharap les. Un job penas ap mande: “Ma kre kowa! Share o Debles! Me hom o Debleskro budepaskro har tu un tire phrala, kai sikrenn i wawar menshende o Jesuseskro drom. Kolen das o Jesus o Debleskro Ducho. Kowa sikrell len, te hi le leskre menshe.”