Debleskri gili 40:5 - O Debleskro Drom 2021 (Sinte)

⁵ Bachtelo hi ko mensho, kai rikrell pes ap o baro Debleste, un djal gar kolentsa, kai hi pre-phurde un chochene.

O Debleskro Lab 2024 (Sinte-Manouche)

⁵ Barhtelo hi ko mensho, kay rikrell pes ap o baro Debleste, oun djal gar kolentsa, kay hi pre-phourde oun rhorhene.

Debleskri gili 40:5 ပူးပေါင်းရင်းမြစ်များ

Hiob 26:14

Dik, kawa hi tchi har i tikno kotar kolestar, hoi job kras. Un hoi lestar shunam, hi gar budeder har i tikno lab. Kek nai haiwell, har baro leskri soor tchatchepah hi!

Hiob 5:9

Job hi kowa, kai krell bud baro un sorelo koowa, hoi kek haiwell un kek wawar nai krell.

Hiob 9:10

Job krell sawo baro un sorelo koowa, te nai haiwah les gar, sawo bud baro koowa, hoi kek wawar nai krell, te nai djinah gar, har bud kowa hi.

Debleskri gili 136:4

Job kokres krell baro koowa, hoi kek wawar nai krella. Leskro latchepen atchella hako tsireske!

Debleskri gili 139:6

Tu prindjreh man jaake mishto, kowa hi mange bares un phares. Me nai haiwau kowa gar.

Debleskri gili 71:15

Me penau i wawarenge, har tchatcho tire dromma hi. Hako diwes rakrau pral o latchepen, hoi tu lauter kral. Kowa hi budeder har nai haiwau.

Debleskri gili 73:28

Mange hi mishto, te rikrap man ap miro Debleste. Te wap pash tute, miro rai, baro Dewel, kowa hi miri bacht, te rakrap halauterestar, hoi tu kral.

Debleskri gili 92:5

Kowa, hoi tu kral, baro Dewel, mukell man bachteles te giwell. Kowa, hoi tire wasta lauter kran, sharau me.

2. Mose 11:8

Palle wenna tire pralstune lauter pash mande un witsrenn pen glan mire pire tele un mangenn man an un penenn: ‘Djan tumenge, tu un tire tsele menshe, djan!’ Un palle djah mer menge.” Un mulo chojedo djas o Mose peske dran o Faraeskro kheer win.

2. Mose 15:11

Kek hi jaake har tu, o baro Dewel. Kek hi jaake har tu mank lauterende, kai kharenn pen Dewel! Tu hal o tchatcho Dewel, un kek wawar hi jaake sorelo har tu! Tu kral dareno koowa, hoi kek wawar nai krella.

Jeremia 29:11

Djinau mishto, hoi man tumenge an o shero hi: latcho koowa un gar tchilatcho koowa, te djal tumenge jaake har tumer kamenna.