Debleskri gili 40:12 - O Debleskro Drom 2021 (Sinte)

¹² Baro Dewel, muk tiro dji hako tsiro mange pre te well! Tu kameh man un hal mange latches. Doleske rike tiro wast pral mande hako tsiro!

O Debleskro Lab 2024 (Sinte-Manouche)

¹² Baro Devel, mouk tiro dji hako tsiro mange pre te vell! Tou kameh man oun hal mange lačes. Doleske rike tiro vast pral mande hako tsiro!

Debleskri gili 40:12 ပူးပေါင်းရင်းမြစ်များ

1. Mose 42:28

Koi penas job ap peskre phralende: “Mire lowe hi an miro gono!” Koi lan jon traash. Un jon dikan pen darenes an un penan: “Hoske kras o Dewel kowa mentsa?”

Debleskri gili 116:3

O merepen pandas man an peskre shelle. Djinom buder gar dren un win, jaake baro his miri daar te hunte meroms un djoms pash i mulende.

Debleskri gili 19:12

Miro rai, me mukau tire laba ap miro dji te rakrell. Koon rikrell pes ap lende, koleske djal mishto.

Debleskri gili 38:4

Ap miro mass hi buder tchi sasto dran tiri choli. Ninna mire kokale dukrenna. Dran miri doosh was kowa ap mande.

Debleskri gili 61:8

Job te atchell o baro rai glan tute, miro Dewel, hako tsiro! De tu an tiro latchepen un tchatchepen jak ap leste!

Debleskri gili 69:4

Me dom gole, bis te man kek soor buder an mande his, un miri meen dukas. Mire jaka wan khino, jaake rah dikau pal miro Debleste.

Debleskri gili 73:26

Te djal i soor peske dran mande, un miro dji buder gar sorelo hi, palle atcheh tu, miro Dewel, hako tsiro miri soor un miro brawlepen.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Louka 21:26

I tsele menshe ap i phub hi paash-mulo i trashatar pral kowa, hoi lauter ap lende wella. I bolepaskri soor perell khetne.

Hebrearja 4:15

Job, maro baro rashai, haiwell men mishto, un djinella, te hi men kek soor pral o tchilatchepen. Les kamas o beng ninna o Debleskro dromestar tele te anell, jaake har kamell lo men o Debleskro dromestar tele te anell. Jek koowa his an o Jesuseskro djipen wawartchandes har pash mende: Kek tchilatchepen his an leste.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.