Debleskri gili 4:3 - O Debleskro Drom 2021 (Sinte)

³ Murshale, har rah tserdenn tumer miro lab an i tchik! Tumer rodenn pal kowa, hoi tchi moldo hi, un kamenn o chochepen.

O Debleskro Lab 2024 (Sinte-Manouche)

³ Morshale, har rah tserdenn t'mer miro lab an i čik! T'mer rodenn pal kova, hoy či moldo hi, oun kamenn o rhorhepen.

Debleskri gili 4:3 ပူးပေါင်းရင်းမြစ်များ

Debleskri gili 31:23

Me homs jaake dareno, te penom: “Mo Dewel, tu kameh mandar buder tchi te djinell!” Kowa his gar jaake: Tu shunal man, har rowom ap tute.

Debleskri gili 34:15

Rikrenn tumen pale dran o tchilatchepen un krenn o latchepen! Tumari tseli sorjah krenn lauter, te well kek tchingepen mank tumende!

Debleskri gili 49:3

An-dikle menshe un sawe, kai gar an-diklo hi, brawele un tchorwele, tumer lauter, shunenn!

Debleskri gili 50:5

“Anenn mange mire menshen khetne, kai mantsa win kran, te wap me lengro Dewel, un mange viechen anan.”

Debleskri gili 56:9

Dik, har bud diwessa hom me ap o naashepen! Le mire swa an i tcharo khetne! Pash tute hi le lauter pre-tchinlo an i liil.

Debleskri gili 6:8

Me dikau buder gar mishto, – jaake pharo hi miro dji. Mire jaka hi pesso o ropastar kol budenge, kai mange o djipen phares krenna.

Debleskri gili 62:10

I menshe hi tchi har i ducho. Tikne har bare hi tchi moldo. Te wans le ap i waga tchiddo, wans le lauter khetne lino gar phareder har i ducho.

2. Mose 33:16

Tu te djah mentsa, palle haiwell hakeno, te dikeh latches ap mande un ap kal menshende. Jaake sikreh i tsele wawar menshende ap kai phub, te ham kutch tuke.”

Johanni 15:16

Tumer rodan man gar win. Me rodom tumen win, te djiwenn jaake, te well dran tumaro djipen latcho koowa, hoi atchella. Un o dad dell tumen halauter, hoi mangenn lestar an miro lab.”

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

2. Timoteo 2:19

Ninna te hi sawe menshe koi, kai rakrenn chochepen, djinah mer: Kowa, hoi o Dewel kras, nashte krell kek paash. Kowa hi har i bar, hoi soreles tardo hi. Kek nai witsrell les trujel. Ap leste hi tchinlo: O rai prindjrella kolen, kai leskre hi. Un ninna hi tchinlo: Koon o rajes an-mangella, hunte mukell o tchilatcho drom.

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

2. Petro 2:9

O Dewel, maro rai, haiwell garda te dell ap kolende, kai les kamenna, te perenn le gar o tchatcho dromestar tele. Job haiwell ninna kol tchilatchen pandlo te rikrell, te lenn le pengri phagi ap ko diwes, kai well o tchatchepen wi-rakedo pral i tsele menshende.