Debleskri gili 38:3 - O Debleskro Drom 2021 (Sinte)

³ Tu dal karje ap mande un dukral man, un tiro wast das man ap i phub tele.

O Debleskro Lab 2024 (Sinte-Manouche)

³ Tou dal karye ap mande oun doukral man, oun tiro vast das man ap i phoub tele.

Debleskri gili 38:3 ပူးပေါင်းရင်းမြစ်များ

2. Familjakro liil 26:19

Un o Usija, koles an peskro wast i piri his pherdo sungepaskro koowa, was chojedo. Un har job jaake pral i rashaja chojedo his, was pral leskre jaka i djungelo nasslepen win ap peskro mass. Un i tsele rashaja, kai an o baro Debleskro kheer pash o sonakaskro bob tardo his, dikan kowa.

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Debleskri gili 102:3

Ma dja krik mandar ap kau diwes, kai mange ropaske hi! Risse tut pash mande ap kau diwes, kai ap tute gole dau! Shun man sik!

Debleskri gili 102:5

Miro dji hi phagedo, un les hi buder kek soor jaake har o khass, hoi tele dino was. Bistrau ninna miro maro te chal.

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

Debleskri gili 51:8

Tu rodeh o tchatchepen an o mensheskro dji. An miro dji sikreh tu, har te wap gosewo.

Debleskri gili 6:2

Baro Dewel, tu hal chojedo ap mande. Ma de man sawi bari phagi! Ma de man gar an tiri choli!