Debleskri gili 38:2 - O Debleskro Drom 2021 (Sinte)

² Baro Dewel, ma tchinge ap mande an tiri choli! Ma de man i phagi an tiri choli!

O Debleskro Lab 2024 (Sinte-Manouche)

² Baro Devel, ma činge ap mande an tiri rholi! Ma de man i phagi an tiri rholi!

Debleskri gili 38:2 ပူးပေါင်းရင်းမြစ်များ

Hiob 6:4

Mange djal jaake, har te dals o sorelo Dewel karje ap mande, un leskre faile wans an mande, hoi anenn mange o merepen. Kowa, hoi mukell o Dewel ap mande te well, krell man i bari daar.

Debleskri gili 21:12

Jon wan khetne un rakran, har nai krenn le tuke tchilatchepen. Tchi, hoi kamenn le tuha te krell, djal lenge mishto.

Debleskri gili 32:4

Miro Dewel, diwes un rati his tiro wast phares ap mande tchiddo, un miri djipaskri soor djas jaake peske mandar, har o senlepen peskri soor nashrella an o tato nijal.

Debleskri gili 6:2

Baro Dewel, tu hal chojedo ap mande. Ma de man sawi bari phagi! Ma de man gar an tiri choli!

Debleskri gili 64:7

Len hi tchilatchepen an o shero, un penenn tchorchanes: “Jaake krah mer kowa. Jaake djal kowa mishto. Har gosewe ham mer!”

Ropaskre gilja 3:12

Job tserdas peskro bogo pre, te dell lo karje ap mande.

5. Mose 2:15

Leskro wast his phares ap lende, bis te kol tsele kurepangre mulo his, un kek lendar pral atchas.

Ruth 1:13

kamans tumer ko tselo tsiro kek romeha te djiwell, – jaake rah bis te jon bares doha wans? Ma krenn kowa, mire tcha! O baro Debleskro wast hi phares ap mande tchiddo. Kamau gar te hidjrenn tumer miro pharo djipen mantsa.”

1. Samuel 5:11

Koi dan le pale i tsele rajen pral i Filistarja khetne gole un penan: “Bitchrenn o mochton o Israeleskro Deblestar pale, kai lo was, te marell lo men un mare menshen gar.” I bari daar his an o tselo foro, fothe phares his o Debleskro wast ap lende tchiddo.

1. Samuel 5:6

Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

1. Samuel 6:9

Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”