Debleskri gili 37:3 - O Debleskro Drom 2021 (Sinte)

³ Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

O Debleskro Lab 2024 (Sinte-Manouche)

³ Dik ap o baro Debleste, te krell lo touke lačepen! Oun kre, hoy mishto hi! Ač an o them, oun djib kolestar, hoy tire vastentsa boudral!

Debleskri gili 37:3 ပူးပေါင်းရင်းမြစ်များ

1. Mose 26:2

Koi mukas pes o baro Dewel o Isaakestar te dikell un penas ap leste: “Ma dja tele an o them Egiptia! Djib an ko them, kai me tuke penau.

1. Mose 26:3

Atch i tsiro an kau them. Me hom pash tute, te tchiwap miri soor un miri bacht ap tute. Kalla tsele themma dau me tut un tire tchawen, kai pal tute wenna. Me rikrau miro lab, hoi dom tiro dadeste Abraham, un kai dom miro wast koi pre.

1. Rajengro liil 19:6

Job dikas trul peste un dikas pal peskro shero i kotar peklo maro un i khoro pani. Un job chas un pijas un tchiwas pes pale tele.

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 33:19

un lell lengro djipen dran o merepen win. Ninna te well bari bok pral o them, merenn le gar.

Debleskri gili 4:5

Te well i choli an tumende pre, palle anenn kek doosh ap tumende! Rakrenn an tumare djia, te han an tumaro tchiben tchiddo, un rakrenn kek lab!

Debleskri gili 62:8

Miro Deblestar well, te wap win lino dran o tchilatchepen, un te wap an-diklo. Lestar well miri soor, pash miro Debleste khatrau man.

Gosewe laba 3:5

Tchip tiro tselo dji ap o baro Debleste! Ma pats, kai djineh kokres, hoi mishto un tchatcho hi!

Jesaja 40:11

Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Louka 22:35

Un job penas ap peskre malende: “Har me tumen ap o drom bitchrom, his tumen kek lowe, witar kek gono un kek kircha pash tumende. His tumen bok? His tumen trush?” Penan le: “Na-a, gar jek kopo!”

5. Mose 30:20

Kamenn tumaro baro Debles! Shunenn ap leste, un rikrenn tumen ap leste! Kowa hi tumaro djipen. Un jaake nai djiwenn bud bersha an ko them, kolestar o baro Dewel pes sowel das glan tumare phurende, glan o Abraham, o Isaak un o Jakob, te dell lo les lende.

1. Samuel 26:19

Un kanna, miro rai un pralstuno, shun ap i laba, hoi me, tiro budepaskro, rakrau. Te anas o baro Dewel tut ap mande pre, palle well leske i chapen chatchedo, te djal leskri choli krik. Te anan tut menshe ap mande pre, mu well o Debleskri bibacht ap lende! Jon tradenn man win dran o baro Debleskro them. Kowa hi jaake har te penans le: ‘Dja an i wawar them, un mange wawar deblen an!’