Debleskri gili 32:5 - O Debleskro Drom 2021 (Sinte)

⁵ Doleske penom me tuke miri doosh, un khatrom gar o tchilatchepen, hoi me krom. Me penom mange: “Me kamau o baro Debleske ko tchilatchepen te penell, hoi krom.” Un tu lal miri doosh mandar krik.

O Debleskro Lab 2024 (Sinte-Manouche)

⁵ Doleske penom me touke miri doosh, oun khatrom gar o čilačepen, hoy me krom. Me penom mange: “Me kamau o baro Debleske ko čilačepen te penell, hoy krom.” Oun tou lal miri doosh mandar krik.

Debleskri gili 32:5 ပူးပေါင်းရင်းမြစ်များ

2. Samuel 12:13

Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.

2. Samuel 12:9

Hoske rikral tut gar ap miro lab? Hoske kral, hoi gar mishto hi glan mire jaka? O Urija, ko Hetares, dal o chareha mulo. Leskri romjat lal tu, te well joi tiri romni. Un tu tchiwal les kote an o kurepen, kai i Ammonarja les mulo dan.

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

2. Samuel 24:17

Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

1. Rajengro liil 8:50

Un biste ko tchilatchepen, hoi jon ap tute kran, lengri tseli doosh, hoi anas len tiro dromestar tele. Kre, te wenn un dikenn kolla latches ap lende, kai len pandles rikrenn.

2. Familjakro liil 6:29

koon palle peskro tselo djijeha tutar mangella, nai well jek, nai wenn budeder, nai well o tselo Israel, un an peskri bibacht un peskro djijeskri duk rikrell lo peskre wasta ap kai rig, kai kau kheer hi,

Esra 10:11

Un kanna, penenn tumari doosh leske, ko baro Debleske tumare phurendar! Un krenn, hoi job kamella, un rikrenn tumen pale kol wawar menshendar, un bitchrenn tumare romjen, kai lendar hi, tumendar krik!”

Hiob 31:33

An kek tsiro kamom miri doosh te khatrell, har wawar menshe krenn.

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Debleskri gili 103:12

Koi rig, kai o kham pre djal, hi dur krik kolatar, kai lo tele djal. Jaake dur har kai jek rig hi koi wawaratar, jaake dur tchiwas job mari doosh mendar krik.

Debleskri gili 103:3

Job hi kowa, kai miri tseli doosh mandar krik lella, kowa, kai miro tselo nasslepen krik lella un man sastes krella,

Debleskri gili 25:16

Risse tut pash mande, un kre tiro dji mange pre, me hom jaake muklo un kokres.

Debleskri gili 25:18

Dik ap miro pharo djipen, un har djungeles mange djala, un biste miri tseli doosh!

Debleskri gili 30:5

Bashrenn o baro Debleske, tumer, kai han leskro! Sharenn les, un bistrenn gar, te hi lo o Dewel.

Debleskri gili 38:18

Hi buder gar dur, te perap, un mire duka hi hako tsiro glan mire jaka.

Debleskri gili 38:19

Doleske penau tuke, hawo tchilatcho koowa me krom, un miri doosh khaitell man.

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Gosewe laba 28:13

Kowa, kai peskri doosh khatrell, kowa well gar dur an peskro djipen. Kowa, kai penell, hoi lo kras, un mukell peskri doosh, hatsell o Debleskro kamlepen.

Gosewe laba 30:20

I djuwel, kai chochell peskro romes un sowell i wawareha, thowell pes pal kowa un penell: “Me krom kek tchilatchepen”, jaake har te chals li un thowals peske o mui tele.

Jesaja 65:24

Un kawa well jaake: Jon dan gomme gar gole, koi dom man glan, un jon rakrenn gomme, koi shunau me.

Jeremia 2:23

Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,

Jeremia 2:35

peneh tu: ‘Me krom tchi. O baro Dewel hi buder gar chojedo ap mande.’ Djiness, me dau tut i phagi koleske, kai tu penal: ‘Me krom kek tchilatchepen.’

Jeremia 3:13

Tu hunte kress tchi, har te dikess dren, kai anal doosh ap tute, har hadal tut pre pral o baro Debleste, kai tiro Dewel hi. Tu nashal kai te koi trujel, te mangess wawar deblen an tel hake senele ruka, un shunal gar ap mire laba, penell o baro Dewel.

Jeremia 31:20

Efrajim, tu hal miro kutch tchawo, miro tchawo, koles kamau bud! Hako kopo, kai hunte dap les trad, well lo mange gar dran o shero. Miro dji dell soreles an mande: me hunte wap leske latches, penell o baro Dewel.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

3. Mose 5:5

Te anas job jaake te jaake doosh ap peste, palle hunte penell lo, hawo koowa job kras.

Maleachi 3:8

Me putchau tumendar: Hi mishto i menshestar, te tchorell lo o Deblestar har tumer mandar tchorenna? Koi pre penenn tumer: ‘Hoi kram, har tchoram tutar?’ Tumer denn man gar o deshto halauterestar, hoi dren lan, witar gar kowa, hoi hunte dans i rashajende.

Louka 16:15

Koi penas o Jesus ap lende: “Glan i menshengre jaka kamenn tumer latcho te well. O Dewel prindjrell tumaro dji. Hoi pash i menshende bud molella, hi tchi moldo an o Debleskre jaka.

Louka 7:47

Un me penau tuke kanna: Lakri bari doosh hi latar krik lino. Doleske kamell li man o tselo djijeha. Koneske gar bud doosh krik lino wella, kowa kamell man gar i tselo djijeha.”

Efesarja 4:32

Awenn kamlo jek ap o wawareste, un lenn i dji o wawareske! Bistrenn o tchilatchepen, hoi o wawar ap tumende kras! Ninna o Dewel bistras tumaro tchilatchepen, har o Jesus Kristo tumenge meras.

Josua 7:19

Koi penas o Josua ap o Achan: “Miro tchawo, pen o tchatchepen glan o baro Debleste, kai o Israeleskro Dewel hi! Un pen mange, hoi tu kral! Un rike tchi pale!”