Debleskri gili 32:1 - O Debleskro Drom 2021 (Sinte)

¹ Laba o Davidestar. Bachtelo hi kowa, koleske o tchilatchepen, hoi ap leste his, krik lino hi, un leskri doosh bistedo hi.

O Debleskro Lab 2024 (Sinte-Manouche)

¹ Laba o Davidestar. Barhtelo hi kova, koleske o čilačepen, hoy ap leste his, krik lino hi, oun leskri doosh bistedo hi.

Debleskri gili 32:1 ပူးပေါင်းရင်းမြစ်များ

2. Samuel 12:13

Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.

Nehemia 4:5

Kolla, kai mentsa tchingepen rodan, penan jek ap o wawareste: “Mer kamah sik un tchorchanes mank lende te well, te dikenn le men gar, bis te mer mashkral lende wam. Palle dah len mulo. Jaake krah, te djal koi budi gar buder dureder.”

Debleskri gili 103:3

Job hi kowa, kai miri tseli doosh mandar krik lella, kowa, kai miro tselo nasslepen krik lella un man sastes krella,

Debleskri gili 106:3

Bachteles hi kolla, kai leskre laba rikrenna, un hako tsiro o tchatchepen krenna.

Debleskri gili 128:1

I gili te giwell ap o drom an Jerusalem. Bachtelo hi hakeno, kai djiwell o baro Debleha, un djal ap leskro drom.

Debleskri gili 40:4

An miro mui tchiwas lo i newi gili, i gili, hoi maro Debles sharell. Bud, kai dikenn kowa, haiwenn, te hi o baro Dewel o rai, un jon patsenn ap leste.

Debleskri gili 42:1

I gili jekestar, kai hi dran i familja Korach. Kai gili hi o rajeske pral i gipangre.

Debleskri gili 45:1

I bijabeskri gili jekestar, kai hi dran i familja Korach. Koi gili hi o rajeske pral i gipangre, te giwell pash o bashepen ap i shob-dorjengri bashepaskri.

Debleskri gili 52:1

I gili o rajeske pral i gipangre. O David kras kai gili,

Debleskri gili 53:1

I gili o rajeske pral i gipangre, te giwell har koi gili ‘Mahalat’. O David kras kai gili.

Debleskri gili 55:1

I gili o rajeske pral o gipangre, glan te giwell pash o bashepen ap i dorjengre bashepangre. O David kras kai gili.

Debleskri gili 84:12

Maro baro Dewel hi o kham maro djipaske. Job rikrell peskre wasta pral mende. O baro Dewel dell men latchepen un railepen. Kolen, kai o djijestar ap leste shunenna, dell lo hako latchepen, hoi len hunte wella.

Debleskri gili 85:2

Baro Dewel, tut his i dji tiro themeske, un lal o Jakobeskre pandle menshen win dran i tchilatche wasta.

Debleskri gili 89:15

O tchatchepen pral i menshende rakreh, un tchatchepaskre laba lenge peneh. Doleske atcheh tu o baro rai. An lauter, hoi kreh, dikah tiro latchepen, un har pash mende rikreh.

Jesaja 1:18

“Awenn”, penell o baro Dewel, “te kras men tel mende o tchatchepen win! Te hi i doosh, hoi tumer ap tumende anan jaake lolo har o rat, palle well li parno, jaake parno har gib. Un te hi li lolo har o purpur, palle well li jaake parno har o bakrengro bal.

Jesaja 43:25

Kowa hom me, kai thowau o tchilatchepen tutar tele. Me kokres hom kowa, kai nai krell les. Un bistrau koi doosh, hoi tu ap tute lal.

Jesaja 44:22

Ko tchilatcho koowa, hoi tu kral, lom tutar krik, te hi lo gar buder. Jaake har i nebla, har i wolka krik phurdedo well, jaake phurdom koi doosh krik, hoi ap tute his. Ab pale pash mande, me plaissrom tuke, te wess miro.

Mateo 16:17

Penas o Jesus ap leste: “Bachtelo hal tu, Simon Bar-Jona. Kol laba, hoi tu pral mande penal, kolla wan gar tutar, witar gar wawar menshendar. Miro dad an o bolepen sikras tut kowa.

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Debleskro tsiro 22:14

Bachtele hi kolla, kai pengre ripja djudjes thowenna. Jon nai chan ko rukestar, hoi o djipen della, un nai djan an kol bare wudja an ko foro dren.