Debleskri gili 27:9 - O Debleskro Drom 2021 (Sinte)

⁹ Ma dja tuke mandar! Bitche man, tiro budepaskres, gar tutar krik an tiri choli! Tu hal kowa, kai was mange ap i rig hako tsiro. Miro Dewel, tu hal kowa, kai man win lell. Ma muk man! Ma de man pre!

O Debleskro Lab 2024 (Sinte-Manouche)

⁹ Ma dja touke mandar! Biče man, tiro boudepaskres, gar toutar krik an tiri rholi! Tou hal kova, kay vas mange ap i rig hako tsiro. Miro Devel, tou hal kova, kay man vin lell. Ma mouk man! Ma de man pre!

Debleskri gili 27:9 ပူးပေါင်းရင်းမြစ်များ

1. Familjakro liil 28:9

Un tu, miro tchawo Salomo, pats ap o Debleste tiro dadestar, te well job tiro Dewel. Kre tiro tselo djijeha, hoi lo tuke penell! Job dikell an i menshengre djia, un haiwell, hoi an lengre sherja trujel djal. Te rodeh les, hatseh les. Te mukeh les, tchiwell lo tut pale hako tsireske.

Debleskri gili 102:2

Baro Dewel, shun miro mangepen! Shun, har dau ap tute gole!

Debleskri gili 102:3

Ma dja krik mandar ap kau diwes, kai mange ropaske hi! Risse tut pash mande ap kau diwes, kai ap tute gole dau! Shun man sik!

Debleskri gili 119:121

Me krau o tchatchepen, un djau o tchatcho drom. De man gar an o wast kolendar, kai kamenn ap mande pre te djan.

Debleskri gili 13:1

I gili o rajeske pral i gipangre. O David kras kai gili.

Debleskri gili 143:7

Baro Dewel, shun man sik! Man hi buder kek soor. Ma khate tut mandar, te wap gar har kolla, kai hunte merenn.

Debleskri gili 24:5

Sawo lell bacht o baro Deblestar. Leskro Dewel hi ap leskri rig un dell les tchatchepen.

Debleskri gili 44:24

Ste pre! Hoske soweh tu, mo rai? Ste pre un tchip men gar pale hako tsireske!

Debleskri gili 51:11

Ma dik ap miri doosh, un le o tchilatcho koowa, hoi krom, mandar krik!

Debleskri gili 69:17

Shun man, mo baro Dewel, tiro latchepen hi mishto mange. Kre tiro dji mange dur pre un dik ap mande!

Debleskri gili 69:18

Ma khate tut mandar, kai tiro budepaskro hom! Me hom an bari daar, shun man sik!

Debleskri gili 88:1

I gili o rajeske pral i gipangre, te giwell har koi gili ‘Mahalat Leannoth’. Kai gili kras jek dran i familja Korach. O Heman dran i familja Esra tchinas kal laba.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jesaja 59:2

Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

Jeremia 32:40

Un me krau lentsa win, te mukap gar tele, te krap lenge latchepen, un te dap len i dji, hoi ap mande shunell, un mukell man gar. Kau lab, hoi lentsa win krau, atchell hako tsireske.

Hebrearja 13:5

Ma nashenn i lowe palla! Kowa, hoi tut hi, kowa muk tuke doha te well! O Dewel penas: Me bistrau tut gar, un mukau tut kek tsireske!

1. Samuel 7:12

Un o Samuel las i bar un tchiwas les pre mashkral Mizpa un Shen, un das les o lab Eben-Eser, un penas: O tselo drom his o baro Dewel ap mari rig.