Debleskri gili 27:6 - O Debleskro Drom 2021 (Sinte)

⁶ Un kanna hadell pes miro shero pre pral kolende, kai trul mande hi un mange tchilatchepen kamenn, O baro Debleske kamau me viechen te chatchrell, un dau gole i bachtjatar un parkrau man pash leste an leskro kheer; i gipah un bashepah sharau les.

O Debleskro Lab 2024 (Sinte-Manouche)

⁶ Oun kanna hadell pes miro shero pre pral kolende, kay troul mande hi oun mange čilačepen kamenn, O baro Debleske kamau me firhen te rhačrell, oun dau gole i barhtyatar oun parkrau man pash leste an leskro kheer; i gipah oun bashepah sharau les.

Debleskri gili 27:6 ပူးပေါင်းရင်းမြစ်များ

1. Mose 40:13

An triin diwessa mukell tut o baro rai dran o stilepen win un dell tut pale tiri budi. Un tu deh o baro rajeste pale te pijell, jaake har tu kral, har tu o pralstuno pral leskro pipen hals.”

1. Mose 40:20

Ap o triinto diwes his o diwes, kai was o baro rai i bersh phureder. Un job kras i baro chapen kol tsele pralstunenge, kai leske budran, un mukas kol dujen, ko pralstunes pral o pipen un o pralstunes pral o maro, dran o stilepen win.

2. Samuel 22:1

O David rakras glan o baro Debleste kol laba koi giljatar an ko tsiro, kai o baro Dewel les win las dran i wasta lauterendar, kai kaman les te marell, ninna dran o Sauleskre wasta. Un job penas:

2. Samuel 22:49

Tu lal man win dran i wasta kolendar, kai kaman miro merepen. Tu hadal man pral kolende, kai hadan pen ap mande, un mukal man gar an i tchilatche wasta.

2. Samuel 7:9

Me homs pash tute, kai tu ninna djal, un marom kolen lauteren glan tute, kai kuran pen tuha. Me kamau tiro lab bares te krell, jaake prindjedo har i laba kol bare rajendar ap i phub.

2. Rajengro liil 25:27

Har o Ewil-Merodach o baro rai pral Babilonia was, mukas lo gomme an kau bersh o Jojachin, ko rajes pral o them Juda dran o stilepen te lell. Kowa his an o 37. (trijanda-te-eftato) bersh, har o Jojachin krik anlo was, ap o 27. (biish-te-eftato) diwes an o deesh-te-duito tchon.

1. Familjakro liil 22:18

Job penas: “Tumaro baro Dewel hi pash tumende! Job kras, te han an kek kurepen kol thementsa trul tumende. Job das len an miro wast, un o baro Dewel un leskre menshe hi o rai pral lende.

Debleskri gili 107:22

Ninna hunte anenn le leske shukar koowa, te parkrenn le pen pash leste. Un i bachtelo djijeha hunte rakrenn le kolestar, hoi job lenge kras.

Debleskri gili 110:7

O baro rai pijell dran o pani, hoi pash leskro drom nashell, un lell newi soor un well o sorleder.

Debleskri gili 119:108

Baro Dewel, dik latches ap mire laba, kolentsa parkrau man pash tute. Sike mande tire tchatchepaskre laba.

Debleskri gili 138:5

Jon giwenna pral kowa, hoi tu kral: ‘Tiro railepen hi baro.’

Debleskri gili 21:1

I gili o rajeske pral i gipangre. O David kras kai gili.

Debleskri gili 21:13

Tu leh tiro bogo un rikreh ap lende, un kreh, te rissrenn le pen trujel un nashenn penge.

Debleskri gili 3:3

Bud penenn mandar: “O Dewel hi gar ap leskri rig.”

Debleskri gili 3:4

Tu, baro Dewel, rike tiro wast pral mande! Tu hal kowa, kai miro shero pale hadell, te hunte ladjap man gar.

Debleskri gili 47:1

I gili o rajeske pral i gipangre. Kai gili hi jekestar dran i familja Korach.

Debleskri gili 57:8

Sorelo was miro dji, miro Dewel, sorelo was miro dji. Me kamau tuke te giwell un te bashrell.

Debleskri gili 81:1

I gili o rajeske pral i gipangre, te giwell ap i bashepaskri, hoi kharella gittit. O Asaf kras kai gili.

Debleskri gili 95:1

Awenn, te giwenn gilja o baro Debleske! Denn gole i bachtjatar glan leste! Job hi maro rikepaskro, kai menge lauter mishto krella.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jeremia 31:7

O baro Dewel penell: Giwenn un denn gole i bachtjatar pral o Israel, o pralstuno mank i natsjone! Denn bari gole, hoi was! Sharenn o baro Debles un penenn: O baro Dewel was peskre menshenge ap i rig, kolenge, kai i Israelendar pral atchan!

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Hebrearja 13:15

Dran kowa parkras men pash o Debleste, sharas les hako tsiro, un kras o Jesuseskro lab bares.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.

Debleskro tsiro 15:3

Un jon giwan koi gili, hoi o Debleskro budepaskro, o Mose, giwas. Jon giwan lat o terno bakreske, un penan: Baro un shukar hi halauter, hoi tu kral, maro rai, tu sorelo Dewel! Mishto un tchatcho hi tire dromma, baro rai pral i tsele themma!

Debleskro tsiro 5:9

Un jon giwenn i newi gili, un penenn: Tu hal moldo, te less ko liil, un te kress ko liil pre. Tu wal maredo, un plaissral tiro rateha, te giness menshen tiro Debleske. Kolla wenna dran hako them, haki natsjona, haki harmenatsjona un hako rakepen.