Debleskri gili 27:5 - O Debleskro Drom 2021 (Sinte)

⁵ An o tchilatcho tsiro lell lo man an peskro kheer. Awa, an peskro kheer khatrell lo man, pral ap i baro bar hidjrell lo man.

O Debleskro Lab 2024 (Sinte-Manouche)

⁵ An o čilačo tsiro lell lo man an peskro kheer. Ava, an peskro kheer khatrell lo man, pral ap i baro bar hidjrell lo man.

Debleskri gili 27:5 ပူးပေါင်းရင်းမြစ်များ

2. Familjakro liil 22:12

Un o Joash his pash lende khatedo an o baro Debleskro kheer shob bersha. An ko tsiro his i Atalja i rani pral o them.

Debleskri gili 10:1

Baro Dewel, hoske hal tu jaake dur mandar krik? Hoske khatreh tu tut mandar an o tchilatcho tsiro?

Debleskri gili 119:114

Tu hal kowa, pash koleste man khatrau, un koon peskre wasta pral mande rikrella. Doleske dikau ap tiro lab, hoi tu man dal.

Debleskri gili 138:7

Ninna te hom an i daar, deh tu man newi soor, un tchiweh tut kolenge an o drom, kai kamenn mange tchilatchepen te krell. Tiri sorjah weh tu ap miri rig.

Debleskri gili 17:8

Rike tiro wast pral mande, jaake har te woms tiri jak. Khate man jaake har i tchirklo peskre tchawen tel peskre mussja khatrell!

Debleskri gili 18:33

Job hi kowa, kai dell man soor un krell i latcho drom glan mande.

Debleskri gili 31:20

Har baro hi tiro latchepen, miro Dewel, kolenge, kai djiwenn tuha! Hakeneste sikreh tu, har latcho tu kolenge hal, kai rikrenn pen ap tute.

Debleskri gili 31:21

Tu khatreh len pash tute kol menshendar, kai tchiwenn pen khetne, te krenn le lenge tchilatchepen. Tu mukeh kek praassepen pral lende te well.

Debleskri gili 40:2

Miro tselo djijeha dikom ap o baro Debleste, un job rissras peskro kand pash mande, un shunas, har ap leste gole dom.

Debleskri gili 40:3

Job hadas man win dran i grufta, dran o merepen un i tchik, un tchiwas mire pire ap i baro bar, te wap soreles tardo.

Debleskri gili 46:1

I gili jekestar, kai hi dran i familja Korach. Kai gili hi o rajeske pral i gipangre, te giwell lo lat har koi gili ‘terne tcha’.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 57:1

I gili o rajeske pral o gipangre, te giwell har koi gili ‘Ma mare men’. O David tchinas kai gili an ko tsiro, har job glan o Saul ap o naashepen his, un pes an koi grotta khatras.

Debleskri gili 61:2

Shun, miro Dewel! Shun miri gole! Shun, har me tut mangau!

Debleskri gili 61:3

Dur kotar, kai khere hom, dau me ap tute gole, miro dji tapras i daar. Le tu man un an man pre ap i baro sorelo bar.

Debleskri gili 77:2

Me dau gole ap miro Debleste, dau bari gole ap leste. Awa, ap o Debleste dau gole, bis te shunell lo man.

Debleskri gili 83:3

Dik! Kolla, kai choirenn pen ap tute, hi diwjo. Kolla, kai kamenn tuke tchilatchepen, hadenn pengro shero pral tute.

Debleskri gili 91:1

Kowa, kai beshell tel o wast o Deblestar, ko pralstunestar, un atchell pash leste, ko sorelo Debleste,

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Gosewe laba 18:10

O baro Dewel hi har i baro sorelo kheer. Kowa, kai an o tchatchepen tardo hi, nashell pash leste un khatrell pes pash leste.

Jesaja 26:16

Baro Dewel, an o pharo tsiro rodan tire menshe tut. Har dal len i phagi, dan le darenes ap tute gole.

Jesaja 26:20

Tumer, mire menshe, djan an tumare khera! Pandenn i wudja pal tumende! Khatrenn tumen i tikno tsiro, bis te i choli trujel hi.

Jesaja 32:2

Un hakeno lendar hi har i kheer, kai jek nai khatrell pes glan i baro phurdepen, un glan i baro sorelo brishin. Awa, jon hi har i panja an i mulo them, un har i baro bar pal koleste jek pes khatrell, te chatchell o kham tele an i tato them.

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.

Kolossarja 3:3

Tumer meran. Un tumaro newo djipen hi kanna o Jesus Kristeha pash o Debleste an o bolepen, ninna te dikenn kowa kanna gomme gar.