Debleskri gili 27:3 - O Debleskro Drom 2021 (Sinte)

³ Ninna te wenn bud lurde trul mande trujel, taprell miro dji kek daar. Ninna te djan le an o kurepen khatar mande, hom me pherdo patsepen ap miro baro Debleste.

O Debleskro Lab 2024 (Sinte-Manouche)

³ Ninna te venn boud lourde troul mande trouyel, taprell miro dji kek daar. Ninna te djan le an o kourepen khatar mande, hom me pherdo patsepen ap miro baro Debleste.

Debleskri gili 27:3 ပူးပေါင်းရင်းမြစ်များ

2. Familjakro liil 20:15

Un o Jahasijel penas: “Shunenn mishto, menshale dran o them Juda un dran o foro Jerusalem, un tu, baro rai Josafat! Kawa penell o baro Dewel tumenge: Ma darenn, un denn gar tiknes palla glan kol bud lurdende, kolen tumer dikenna! Kau kurepen hi gar tumaro kurepen, o Debleskro kurepen hi.

Hiob 4:6

Tu rikreh tuke o Debles glan i jaka pash halauter, hoi kreh, un djah o tchatcho drom. Doleske nai leh newi soor, un patseh, te well lauter pale mishto tuke.

Debleskri gili 112:7

Les well kek daar, te shunell lo, kai tchilatcho koowa wella. Job dikell peskro tselo djijeha ap o baro Debleste.

Debleskri gili 3:6

Me tchiwom man tele un sowom, un djinom, har djangrom, o baro Dewel das jak ap mande i tseli rat.

Debleskri gili 3:7

Me darau gar deesh-serja lurdendar, kai djan ap mande hake rigjendar.

Debleskri gili 52:6

Tu kameh laba, hoi phagenn, un rakreh dui tchipjentsa.

Filiparja 1:28

Ma darenn kolendar, kai kamenn gar o Jesus Kristes, un kai chan pen ap tumende! Te han sorelo an o patsepen tardo, sikrell kowa lende, te djan jon nashedo, un te lenn tumer o djipen an o bolepen, hoi wella o Deblestar.

1. Petro 3:14

Tumer krenn, hoi o Dewel tumendar kamella. Nai well, te lenn le tumen doleske palla. Palle han bachtelo. Te denn le tumen trad, ma darenn! Ma trashenn lendar!

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!

1. Samuel 19:8

Un pale was i baro kurepen, un o David djas win te marell lo pes i Filistarentsa. Un job das len jaake soreles, te hunte nashan le.