Debleskri gili 26:12 - O Debleskro Drom 2021 (Sinte)

¹² Mire herja hi soreles tardo un perenn gar o tchatcho dromestar tele. Me kamau miro baro Debles te sharell, kote, kai leskre menshe khetne wenna.

O Debleskro Lab 2024 (Sinte-Manouche)

¹² Mire herya hi zoreles tardo oun perenn gar o čačo dromestar tele. Me kamau miro baro Debles te sharell, kote, kay leskre menshe khetne venna.

Debleskri gili 26:12 ပူးပေါင်းရင်းမြစ်များ

Debleskri gili 107:32

Jon hunte sharenn les kote, kai jon khetne wenna, un hadenn les kote, kai i phureder khetne wenna.

Debleskri gili 111:1

Sharedo well o baro Dewel! Miro tselo djijestar sharau o baro Debles kote, kai kolla khetne wenna, kai o tchatcho drom djan.

Debleskri gili 122:4

Kote djan bud menshe pre, kol tsele menshe, kai o baro Debles an-mangenn. Kote sharenn le les, jaake har job lenge penas.

Debleskri gili 26:7

un parkrau man pash tute, un rakrau pral ko tselo baro koowa, hoi tu lauter kral.

Debleskri gili 27:11

Baro Dewel, sike man tiro drom! Un an man ap o tchatcho drom, te hunte rikrenn kolla pengro mui, kai mange tchilatchepen kamenna.

Debleskri gili 40:2

Miro tselo djijeha dikom ap o baro Debleste, un job rissras peskro kand pash mande, un shunas, har ap leste gole dom.

Debleskri gili 68:27

“Sharenn o Debles kote, kai peskre menshe khetne wenna! Sharenn o baro Debles, tumer, kai han dran o Israel.”

Gosewe laba 10:9

Kowa, kai an o tchatchepen djiwell, hunte darell gar. Kowa, kai ap bange dromma djal, well tapedo.

Hebrearja 2:12

Un job penell ap o Debleste: Me sikrau mire phralende, koon tu hal. Un kote, kai jon khetne wenna, sharau tut un giwau gilja tuke.

1. Samuel 2:9

O baro Dewel rikrell kolen ap o tchatcho drom, kai leskre hi. Un kolla, kai kamenn lestar tchi te djinell, perenn an o tamlepen un merenn. Kek mensho well pestar sorelo.