Debleskri gili 24:8 - O Debleskro Drom 2021 (Sinte)

⁸ Koon hi kau baro rai, kones o tselo railepen hi? Kowa hi o baro Dewel, ko sorelo kurepaskro, awa, o baro Dewel hi sorelo an o kurepen.

O Debleskro Lab 2024 (Sinte-Manouche)

⁸ Koon hi kava baro ray, kones o tselo raylepen hi? Kova hi o baro Devel, ko zorelo kourepaskro, ava, o baro Devel hi zorelo an o kourepen.

Debleskri gili 24:8 ပူးပေါင်းရင်းမြစ်များ

Debleskri gili 50:1

I gili o Asafestar. O Dewel rakrell, o baro un sorelo Dewel dell i menshen ap i tseli phub gole, kotar, kai o kham pre djas bis kote, kai lo tele djal.

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

2. Mose 15:3

I kurepaskro hi lo. Leskro lab hi tchatcho: ‘Baro Dewel’ kharell lo.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Kolossarja 2:15

Un i raja un lauter, kolen hi penepaske mashkral o bolepen un i phub, kolla nashran pengri soor, har o Jesus Kristo ap o trushel meras. Kote sikras o Dewel glan lauterende, kai hi o Jesus Kristo sorleder har jon.

Debleskro tsiro 6:2

Un me dikom i parno grajes. Un kowa, kai pre beshdo hi, koles hi i bogo an o wast. Un les was i shereskro sonakai dino, hoi sikrella, te hi job sorleder har bud wawar bare raja. Un job djas win an o kurepen, un was sorleder har jon halauter.